| Hermie's profile陳B媽~PhotosBlogLists |  Tools  Help |
10月24日 (六) 健康院*interview*生日飯今日節目真係好豐富
首先早上第一個節目係帶hayden去健康院做歲半檢查 體重: 12.2kg 頭圍身高不詳...因為姑娘係會量體重only (政府嘅嘢都冇expectation)
我哋今日去係為左個評估 因為hayden講嘢方面真係............唉~
首先入到去,枱面已經放咗幾粒積木... 姑娘來不切叫hayden叠高,佢已經將4pcs積木叠高 hayden爸媽好驚訝,因為hayden平時係冇喺我哋面前叠高架,我哋以為佢唔識架~ 跟住小肌肉發展嗰啲都冇問題 食嘢方面就要減奶...每日只可以食兩餐... 輪到評估講嘢方面...緊係fail啦 姑娘話hayden係男仔又係獨仔會大機會啲遲啲識講嘢...所以最後緊係兩歲再返嚟follow up
跟住...
呢個地方好熟喎~ 之唔係上過兩個月playgroup嘅z-kinder啦 今日HAYDEN係去n1 嘅interview呀
如果HAYDEN上夠continuous 3個月以上嘅playgroup 咁就唔需要去interview 但係HAYDEN上咗只有兩個月就去咗a-kinder度上 所以逃不過呢一次interview cool~~~就當係researsal AGAIN~
我哋嘅interview ref. # 係84, 當時才叫到50號 HAYDEN就好熟架部咁去playground玩
z-kinder有安排時間比家長同副校長&外籍老師面談有關學校同課程嘅問題 但係HAYDEN媽都懶得去見, 反正都唔會比HAYDEN喺度讀書 (I believe)
入去面試嘅班房有四張枱,每張枱得一個負責老師
另外有兩個老師負責安排小朋友&家長入座
首先HAYDEN媽陪HAYDEN坐好,今次好合作 老師先問HAYDEN媽問題 老師: 小朋友幾時出世 HAYDEN媽: 4月23日......08年 老師: 平時邊個湊? (有咗上次c-kinder嘅經驗,HAYDEN媽今次講得好清楚 HAYDEN媽: 平時返工係婆婆湊,姐姐做support,放咗工就接返屋企瞓,星期六日就自己湊番 老師: 咁即係放假自己湊 HAYDEN媽: 唔係呀,平日放工都係自己湊番 (HAYDEN媽真係好鬼老土...講到啱先得 老師: 明白...咁麻煩媽咪坐去等候區,我要同小朋友單獨做interview (unexpected!!! 完全唔知會有呢個安排~) HAYDEN媽 (對老師): OK, 冇問題 (懶鎮定,個心勁驚,唔知HAYDEN會點) HAYDEN媽 (對HAYDEN): HAYDEN, 你乖乖坐喺度...媽媽坐喺後面等你~
跟住exactly問咗啲乜,真係冇idea HAYDEN媽只係見到老師拎啲玩具出嚟教HAYDEN玩,睇下HAYDEN有冇跟佢玩 HAYDEN都坐定定,只係間唔中回頭望下HAYDEN媽有冇坐喺後面 不過老師突然有啲徬徨,因為HAYDEN流咗好多口水
約10min就in完...老師話一個星期度就會收到信 嘩~咁快,HAYDEN媽唔係好想知道結果住喎~ 不過今日好多人in...我估咩嘢age都係今日in...HAYDEN媽見有啲未夠1歲呀,有啲得13個月未識行,爬去HAYDEN張枱玩...
anyways, 去譚仔米線食個lunch之後就要返歸比HAYDEN nap nap 本來下午HAYDEN媽個表哥個女,簡單啲即HAYDEN表姐心心開3歲生日會 但係HAYDEN今朝去完兩個節目之後應該要唞一唞 去唔到生日會,我哋今晚可以出席親友飯局先恭喜心心生日
HAYDEN瞓夠之後我哋先去CCK揀生日禮物比心心 之前以為女孩子先會自己去揀衫~ 點知...HAYDEN依家都會睇埋一份
揀到心頭好喇?!
行完我哋就去食飯喇 今日嘅主角---心心
佢讀九龍塘啟思k1架...佢家姐之前都係讀啟思,不過小學冇去原校讀,因為抽獎去咗沙田官小...正! 一條龍上沙田官中...羨慕~ 因為表哥表嫂都係教師,HAYDEN媽成餐飯都係度問讀書嘅嘢...又賺咗
傾下傾下就食完飯到最後上HAYDEN媽最鍾意嘅包點
大榮X 名菜之一...yummy
是日行程緊湊...tired~ お疲れ様でした。 10月23日 (五) 1歲半零九年十月廿三日星期五 是日
1) hayden一歲半 2) 賓賓aunty grace嚟我哋屋企做domestic helper以來第一次病 3) hayden媽自己出街出到好夜呀...(有啲guilty)
************************************************************************** 時間過得真係快,hayden由喺hayden媽個肚入面一粒花生變成一個小男孩
呢個age, 有辣有唔辣!
首先講皮氣方面,真係好差囉...唔鍾意嘅時候會打人
有時會試探我哋嘅底線,我哋阻止佢一啲行為,佢會望一望,然後笑一笑再repeat嗰個行為
最近對書好有興趣,雖然未識讀,但係都會續頁揭...指下啲圖畫講外星話
佔有心好強...之前知道佢唔鍾意我哋抱其他小朋友,依家發覺佢唔鍾意hayden媽同hayden爸擁在一起; hayden先會發出扭計聲,然後會推開hayden爸...無錯,佢呢幾個月鍾意hayden媽多個hayden爸,唔知係咪異性相吸嘅關係呢...
************************************************************************** 賓賓aunty grace嚟咗都已經有差唔多1年半 今日係佢第一次病到要睇醫生 好似係胃痛定腸胃炎 可憐婆婆帶住hayden朝早車aunty grace去睇醫生, 下午痛不停又車多次去打針 因公公要上大陸做嘢, hayden爸要ot到9點,hayden媽又要去約咗好耐嘅舊同事聚會 所以一整天都係婆婆要take care一個病人同一個小朋友... in conclusion, 個個都可以病,但aunty grace病咗就真係好大穫
************************************************************************* hayden媽今日放工要去同舊同事聚會 今日hayden歲半大,aunty grace又倒下來....hayden媽去得有點guilty 但係我哋真係約咗好耐架喇...所以hayden媽都照出席
相入面除咗大家姐之外, 全部同事都覺散東西了
我哋一邊喪食(放題喎,緊係勁食 有人快結婚,有人旅行又攝影,有人enjoy single life,有人瘋狂愛上貓,有人做唔係朝九晚六嘅工作,而hayden媽就結婚生咗仔 嘩,範圍都好廣下...所以話題多到係咁講
我哋其實係唔同期入舊公司,不過咁多個女人聚埋一齊...點會唔bla bla bla吖 (苦了那男同事)
食完都差唔多10點,但係親善小姐提意去識多個朋友 (hayden媽當然係去陪太子讀書),同埋有順風車坐,所以就go go go~~~~~
hayden媽今日跟呢位親善小姐學唔少嘢,其中學會了甚麼是高清妝...八掛嘢就唔好喺度share喇~
呢間樓上cafe好正,坐低飲下coffee同食心太軟都好好...有睇xx飯局都應該認識呢間樓上cafe
新相識嘅台灣男子很nice,今晚share很多,hayden媽真係好開心
唔知親善小姐作媒人成唔成功呢
今晚真係happy gathering...hayden爸話hayden媽今日出完街成個人都好開心咁... 付出咗係整晚時間...失礼、12點半先到達家門 間唔中一次呢啲gathering,令生活只有返工同hayden嘅hayden媽可以透下氣
************************************************************************* 今日媽媽無放工就返嚟揾你...sorry~
happy sweet 1.5th, my lovely boy 10月18日 (日) 人生的第一次...飲宴HAYDEN出咗世快18個月都未去過飲 (觀禮除外) 其實都係驚佢會大叫,扭計等等TROUBLE行為,所以之前唔帶佢出席 今次有公公婆婆一齊去,多人幫手HAYDEN媽估問題唔大
HAYDEN媽成日都寫香港嘅中學同學,大學同學... 其實HAYDEN媽仲有喺NZ嘅HIGH SCHOOL同學
今晚嘅主角係... BONNIE 佢係HAYDEN媽喺NZ嘅HIGH SCHOOL同學... 而佢嘅父母都識公公婆婆,所以都算係有啲世交成份...
容許HAYDEN媽recall少少teenagers喺NZ嘅回憶... 依家識嘅朋友都知HAYDEN媽唔識飲酒... 記得有一次FORM 6 HAYDEN媽同BONNIE放學3點幾突然間話想飲BEER (呢啲就係teenagers無聊又扮嘢嘅表現
同BONNIE嘅共同嗜好係---揸車 我哋唔係遊車河嗰隻...係鍾意揸棍波嘅女生,仲要係同男生race嗰隻...15歲就有車牌嘅我哋真係冇諗過危險兩個字...今日BONNIE結婚都係同HAYDEN媽當年一樣,就係新娘自己揸番新娘車 ANYWAYS...THOSE WERE THE DAYS ********************************************************************** HAYDEN今日第一次去飲 係屋企大堂影番張相先
好似好眼瞓咁嘅...
到達婚宴場地...O咀
HAYDEN媽當年姊妹之一兼HAYDEN契媽KITTY...一見到HAYDEN就拉住影相
唔肯比契媽抱抱唯有HAYDEN媽出動,枱面嘅螢光棒太吸引都唔望鏡頭
擺落BB車乜都冇得玩就要就範...kekeeee
又係HAYDEN媽結婚嘅姊姊團之一---科仔 (HAYDEN個樣咁厭惡架)
同呢位仁兄以前好friend架,以姊弟相稱...以前weekdays同埋weekend都係同佢同契媽KITTY出街,佢係蜘蛛俠嘅化身,HAYDEN媽見過佢媽媽夜晚唔比佢出街,佢由2樓睡房趴落地下...HAYDEN媽就揸車接應...我哋以前真係好反斗,不過又唔係壞...好似呢位仁兄咁,最後都變成architect~
c-tai 女車手嘅表表者,不過收晒火lu...
平時扮得多一家四口呀,twins呀...呢次HAYDEN媽放低HAYDEN扮single一族
與新人合照時間~ new zealand families (HAYDEN比公公抱住勁乖又肯望鏡頭喎)
new zealand girls
new zealand boys and girls (唔好以為紐西蘭真係好多羊呀,你哋睇下呢啲都係紐西蘭回流返嚟嘅港人,大部份都係讀同一間HIGH SCHOOL架)
彭生彭太情深一吻之後婚宴就開始喇
是晚節目有C-TAI做vocal, KITTY玩keyboard, 阿ling玩guiter
好睇好聽嗎? 睇HAYDEN拎住螢光棒就知係GOOD SHOW啦
後感: HAYDEN嘅表現都係一般,好嘅就係人哋拍手佢又拍,但係人哋歡呼時佢就勁鵪鶉...佢真係好驚尖叫聲架,一聽到就要HUG... 10月17日 (六) 人生的第一次...interviewhayden人生之中的第一次interview
雖然hayden媽當呢次interview係rehearsal 但係都有啲肚痛=> 即係好似自己考試前緊張嘅反應 hayden's interview look
衫,褲,鞋,襪都係comme ca ism (冇計,佢哋啲衫simple得嚟又唔係好casual)
hayden媽覺得是次表現係~~~~
點解呢
首先係hayden唔夠瞓 hayden今朝8am起身,1:45pm interview但係只係去interview途中nap咗15min
雖然hayden媽都知道hayden識嘅嘢唔多,但係都希望佢哋會考砌積木同埋入形狀,咁hayden都叫有啲表現嘛... 點知...都係由頭開始講...
1:35pm我哋去到學校
hayden媽同hayden先去遊戲室等,hayden爸就去報到兼交報名費...
見到排隊入去嘅壯觀情況,真係嚇一跳 我哋係e組,呢批有幾多人in? 我哋走嗰陣聽到叫到e組第七十幾... 你估今日有幾多人in呢~!
去遊戲室玩左一陣,其中一個家長要去一個地方聽校長介紹學校,hayden爸做代表
hayden媽就同hayden繼續留喺遊戲室,嗰度有擴音器所以都聽到校長嘅介紹
跟住就聽叫名去課室ineterview 只有一個家長可以去,當然係hayden媽陪hayden去啦
入到嘅房間有四張枱,每張枱有兩位老師in一個小朋友
一開始hayden唔肯坐低 老師a: 或者媽咪可以抱住小朋友先
hayden媽覺得hayden會肯坐,所以就細細聲叫hayden乖快啲坐低 好彩,hayden都肯坐... 攪掂hayden後hayden媽正想放低個袋坐低之際,老師b就好唔耐煩咁講 "媽咪可唔可以拎張表嚟先呢" 佢真係好趕咁囉...所以hayden媽都好快咁話 "得, 得...你等等先好唔好?" 老師b即刻望一望hayden媽 hayden媽只好笑一笑
mainly係老師a發問題,老師b評估 老師a: 你叫咩嘢名呀小朋友? hayden: .... ....(唔出聲,已經開始玩前面架車車) 老師a: 唔緊要...先問媽咪先...小朋友平時邊個湊呀? hayden媽: 婆婆,姐姐做support (hayden媽當時believed佢指嘅"平時"係weekday嘅daytime,之後諗返就覺得大鑊,佢會唔會以為hayden媽好少湊hayden???其實weekday放咗工同埋weekend都係自己湊架嘛...c火...比學校一個唔好嘅impression忝) 老師a: 有冇上playgroup呀? hayden媽: 有呀... 老師a: 喺邊度上呀? hayden媽: 屋企附近嘅幼稚園上 老師a: 放假去邊度玩多? hayden媽: 去啲outdoor嘅地方呀,有時就去下迪x尼呀... 老師a: 咁即係去玩嘅多啦...(冇嘢好講囉,咁細個唔通一至日都要學嘢咩???一個星期上兩堂playgroup,咁weekend去玩下都得啩~ 老師a: 咁小朋友平時鍾意食啲乜嘢? hayden媽: 佢冇特別鍾意食啲乜喎... 老師a: 實有啲鍾意食架喎...(大佬,hayden勁為食,比佢就食嗰隻喎...佢好似懷疑hayden媽唔係好清楚hayden啲嘢咁...) hayden媽: 真係冇喎...er.... 老師a: 咁即係冇嘢唔鍾意食冇揀飲擇食呢樣嘢? hayden媽: 係呀...佢真係咩嘢都食 老師a: 咁佢肯唔肯自己食? hayden媽: 我多數餵咗佢食一半之後就比佢自己食 老師a: 咁即係佢都肯自己試下食... hayden媽: 係呀... 老師a: 小朋友喺屋企多數玩咩嘢? hayden媽: 車車... (hayden當時係咁玩枱上面架車) 老師a: 佢真係好鍾意玩車喎... 老師a: 好喇...朗朗,同你玩啲遊戲吖... hayden媽: 我哋多數叫佢hayden... 老師a: hayden, 你推架車車去媽咪嗰邊吖 (hayden有推去hayden媽嗰邊呀...因為佢本身都係來來回回咁推去hayden媽個邊 老師a: hayden,咁你可以話比我知眼睛喺邊呀? (hayden冇反應,繼續玩佢嘅車車) 老師a: hayden,你可以話我知邊度係鼻鼻呀? (其實呢個時候好想去幫hayden,where are your eyes? nose? 因為hayden媽好少教佢中文嘅五官,聽" head,shoulder, knees & toes" 都係英文嘛...不過hayden媽唔知呢間學校buy唔buy用英文,所以冇出聲...隨得hayden唔識答) 老師a: 唔緊要...我呢度有三個顏色,呢個紅色,呢個藍色,呢個黃色,你可以話我知邊個係黃色? (老師a拎左3個顏色嘅圓形出嚟show比hayden睇,hayden望下又好似識pick中咁,但最後又縮手...) 老師a: 你張個黃色"癡"落個黃色度吖~ (老師a攞多個黃色圓形出嚟...但係hayden唔知道咩叫做"癡") 老師a: 好喇...玩多個遊戲... (老師拎咗由3大塊拼圖砌成嘅獅子出嚟,中間嗰塊係fixed,suppose要小朋友放啱左右兩塊...老師有assist hayden,) 老師a: 呢塊係咪放呢邊? 咁呢塊係咪放呢邊呢? (hayden冇反對,即係冇拆散完成品...完成後仲自己拍手) 老師a: 係喎...叻叻...(笑) 老師a: 好喇,今日interview係咁多,3個星期內會有結果 (hayden知道可以走又拍手) 老師a: 好喇...bye bye... (hayden望一望老師...搖一搖隻手...hayden媽拖佢走,行咗幾步又回頭望住老師揮手 老師a: 好啦...bye bye喇...唔捨得走呀?!
終わり～
hayden媽覺得...hayden唔得之餘hayden媽自己都唔得,有啲發夢咁...算啦,之前都話咗當係去in a-kinder之前嘅rehearsal,當攞多個經驗,唔駛咁緊張...
已經係度諗下次去a-kinder有咩嘢要改善 點知... 返到屋企...
收到z-kinder 嘅信,下個星期就要去in喇... 有冇攪錯呀?! 早一個星期前先通知...!!!! anyways...為咗a-kinder, hayden又可以多一個interview嘅機會喇...
希望以上嘅分享可以幫到啲未有interview經驗嘅家長啦...all the best~ 訂唔訂好呢~最近HAYDEN返playgroup嘅A-KINDER有flyer比家長~ 係關於從美國集體訂購圖書
catalogue上嘅銀碼係美金,1對11包郵費,唔知香港有冇得買呢~
有得買嘅話唔知道郵購會唔會平啲呢
其實HAYDEN媽一收到呢份catalogue已經好想訂 (一貫作風,鍾意買嘢又鍾意訂嘢 但係都係要停一停,諗一諗 10月12日 (一) playgroup*colour*orange依家HAYDEN一個星期要返兩堂 所以對A-KINDER十分熟識 希望佢11月底interview時好似平時上堂咁active啦 聽婆婆講,呢個係新添置嘅玩具
不過HAYDEN媽睇相都唔知點玩~~~
ARTWORK TIME 係: 望住個橙跟住填顏色落ORANGE SHAPED嘅畫紙上
(HAYDEN同呢個同學仔RYAN好friend架,佢下學期開始就可以喺A-KINDER讀N1,上埋今個月playgroup就要bye bye喇)
HAYDEN個樣好似好努力填顏色喎
RYAN: 我比支橙色筆你吖~
HAYDEN: 唔駛客氣,成枱都係橙色筆~~~
HAYDEN媽估,HAYDEN最鍾意係最後嘅PLAY TIME 平時嘅HAYDEN都會去玩紅色消防車/的士~ 今日學人揸PICK UP農夫車~GO GO GO~~~~
HAYDEN係咪speeding呀? POLICEMAN RYAN追緊你喎~
聽婆婆說,HAYDEN每一次都入到幼稚園都好開心 每一次都唔捨得走... 而HAYDEN係班中比較細嘅又可以跟大啲啲嘅哥哥姐姐學習 所以HAYDEN上呢個playgroup真係好大得益呢~
10月12日 (一) happy b'day to 阿歷山大happy sweet 3rd birthday 阿歷山大~~~
10月10日 (六) cck 沙田分店GRAND OPENING
自私一點都要講之前CCK嘅店舖都唔係好方便我哋HAYDEN一家 但係依家HAYDEN媽冇得冤喇 因為由今日開始CCK嘅分店已經喺沙田開張~
HAYDEN媽可以放工路過去一去又得 放假帶埋HAYDEN去又得 YEAH
GRAND OPENING大日子 HAYDEN一身CCK出品去撐場
(忍唔住見天氣有少少涼意轉做秋裝
恭喜恭喜~~~祝CCK分店越開越多
呢個場位置十分好...WEEKEND簡直逼爆忝呀~ 嚟緊TKO有mainly for boys 嘅分店 TKO嘅朋友仔而又係仔仔的話就有福了 有FOR BOYS ONLY 嘅新品牌叫---RAC
每一次CCK開店,AUNTY MAG都會送出一啲小禮物 今次有BALL BALL同埋BOW...BLACK FOR HAYDEN, GOLDEN FOR HAYDEN媽
當日真係好多人...HAYDEN媽都冇乜機會影相相 HAYDEN就當咗自己屋企一樣~~~佢成日喺屋企都推呢張姨媽傢俬嘅櫈架!!!
連淇淇姐姐坐住張櫈HAYDEN都想去推...激C~
今日真係太多人...我哋好辛苦逼入去先買到一件衫 係RAC嘅產品...
唔多收鑊唔緊要 咁方便我哋得閒又去過~
*********************************************************************** 本來今朝要幫HAYDEN攞回港証 點知尋日發現個BOOKING冇咗...X#@*#### 上一個BOOKING因為HAYDEN病咗去唔到 今次又比人取消咗... 嚟緊兩個星期六要INTERVIEW又要去健康院 真係唔知幾時先攞得到... 10月7日 (三) HAYDEN在車廂中跟彤彤道別aunty FIC 一家要從德國移居到蘇州 停留香港一個月後,聽日就要起行了... 以往佢哋返德國時係夜機HAYDEN媽都會去送機 今次去蘇州係中午機,又係WEEKDAY...HAYDEN媽少之又少嘅ANNUAL LEAVE為咗回鄉之旅唔可以動用...所以臨走前一晚飯後就去揾彤彤SAY GOOD BYE *********************************************************************** HAYDEN: 你聽日要走喇喎...今次你返嚟唔係好識同你玩,希望下次見可以玩多啲 彤彤: 係呀,我依家只係識廣東話同德文,第時返學可能要學埋英文同普通話呀,你努力啲學好外語可以同我"LEN C LEN C"嘛~
HAYDEN: 好~握下手,做個好朋友...
彤彤: 女仔有啲矜持好... HAYDEN: 唉,臨走都要比檸檬我食忝~
***********************************************************************
蘇州感覺比德國近好多 希望你哋一家可以快快適應當地嘅生活 農曆新年,黃金周,國慶嘅長假見啦 10月4日 (日) 追月是日係BBQ追月活動
地點係HAYDEN婆婆家+HAYDEN家個CLUBHOUSE
揾下八月十六嘅月光先... 差啲睇錯盞燈係月亮忝~高啲嗰個先係月亮喎~
今次BOOK到個靚位,呢邊冇人燒,所以有一大片地比小朋友跑同踩TRICYCLE~ 今日出席員有啲MIX & MATCH: 公公婆婆 舅父&女友 姨婆姨丈公 AUNTY FIC 1家4口 AUNTY MO & DEAR DANIEL 當然唔少得HAYDEN家嘅大廚AUNTY GRACE負責燒比我哋食
玩燈籠係A MUST嘅節目 HAYDEN見亞歷山大同彤彤都玩,佢都肯拎住----------5秒咁多啦
今日HAYDEN要做主場宴客~ 得得戚戚咁比UNCLE DANIEL行埋去影張相~
1男1女龍鳳胎? AUNTY MO & UNCLE DANIEL...請努力
連公公婆婆都想有對TWINS? 舅父,請努力~~~~
過幾日AUNTY FIC一家就要走了~HAYDEN好唔捨得呢個靚女彤彤~等HAYDEN媽影多幾張相比HAYDEN得閒睇下啦~
合照~ (新奶奶新外母AUNTY&UNCLE同一對新人合照
中秋追月夜完結 10月3日 (六) 中秋節正日今日係HAYDEN第二個中秋
每一年嘅正日都係去奶奶度 今年都係... 因為中秋節會比較夜歸,所以比HAYDEN喺屋企charge足電先出去嫲嫲屋企做節... 一瞓就到6點...suppose我哋都要6點前到... 但冇辦法啦...大爺瞓唔夠會發癲架
yeah...出發~
晚飯喺奶奶屋企 食飽嫲嫲要帶HAYDEN落樓下繞場一周
甩繩馬騮...追到嫲嫲索晒氣
HAYDEN爽跑幾個字之後濕晒~ 都成10點,所以走喇~
返到去,又有下場... 夜遊海濱公園
呢度勁多人... 想當年HAYDEN媽細個中秋都會嚟呢度玩 小學時代就由公公婆婆帶 中學時代就同啲同學仔一齊嚟 HAYDEN呢個小朋友,就由公公婆婆HAYDEN爸HAYDEN媽一齊帶嚟 (公公條褲同HAYDEN咁襯嘅
HAYDEN係一個唔鍾意玩燈籠嘅小朋友 問佢要唔要...
佢實拒絕
我哋唯有吊晒啲燈籠喺佢架車度
睇下呢張相HAYDEN個人好似好長咁 個人變長咗個樣就唔BB了~
11點半... "媽媽,仲未走呀?"
今日好彩HAYDEN瞓左個好滿足嘅NAP 所以可以挨到咁夜... 沖埋涼食埋奶12點幾先瞓呀~
10月2日 (五) nursery updatesHAYDEN媽一共幫HAYDEN apply咗四間nursery school 1) Z-KINDER (上過兩個月playgroup) 2) A-KINDER 正校 3) A-KINDER 分校 (依家上緊playgroup嘅地方) 4) 九龍塘C-KINDER
HAYDEN喺Z-KINDER上緊playgroup時已經報咗佢哋嘅n1 除咗即時(親身報名)收到張報名費receipt之外就冇收過佢哋嘅消息 HAYDEN媽又唔擔心喎,佢哋適當時候就會叫申請人去interview... 不過以佢哋嘅作風比較亂,所以冇晒踪影都唔奇...跟住可能又突然彈封信嚟話收咗
喺A-KINDER兩所學校報名時已經知道佢哋已安排11月底嘅一日interview,因為本月16日先係截止報名,所以面試通知信認應該會喺10月中至11月中發出
HAYDEN媽唯一一間郵寄報名---九龍塘C-KINDER ( 都有諗過會唔會寄失... 但係呢一間話咗係back up, HAYDEN媽又知佢哋嘅interview應該會係A-KINDER之前,所以咪當係rehearsal,順便參觀下佢個校舍同埋睇下佢哋嘅師資做比較... 前幾日開始上forum見到有人10月interview,有啲明年1月,又有啲明年5月...究竟HAYDEN會係幾時呢
終於,收到喇!!!!
嘩嘩嘩...好快就interview喇喎... HAYDEN媽即刻諗....佢哋兩父子對鞋 WEEKEND, HAYDEN爸鍾意著BIRKENSTOCK,HAYDEN就著CROCS... 唔會著呢兩對鞋去interview啩???? HAYDEN爸就容易啲,著番對non-BIRKENSTOCK就okay啦 HAYDEN呢? 佢仲有幾對鞋未開封,唔需要買...但係著慣CROCS嘅佢,唔知道著其他鞋會唔會行到一仆一轆呢 睇嚟,HAYDEN都要practice下著下其他鞋先得 10月1日 (四) 中學同學b聚aunty fic一家好快就要去蘇州生活喇 hayden媽都好少機會同aunty fic 去買嘢 趁今日假期就抽少少時間去沙田食個lunch行一陣啦
3點幾我哋有b聚呀~ 今日係hayden媽同做咗媽媽嘅中學同學連小孩嘅聚會 地點係hayden鄰居兼可能做到同學仔嘅hailey家
人物介紹 主場---hailey
姓陳3兄弟嘅小陳---儆樂
亞歷山大&彤彤兩兄妹
更係唔少得hayden啦
因為各小朋友嘅活動能力都唔同,所以未能5個一齊玩
阿歷山大呢個大哥哥快到3歲,帶住相差一日大嘅彤彤同hayden玩捉迷藏
hailey都係08年bb,但係要11月底先到1帥歲,所以暫時會crawling比較多,間唔中會扶住嚟行 而儆樂只係得4個月大(但係已經有15磅,勁!), 所以瞓係一邊做gym...kekeeee
5個唔同歲數嘅小朋友冇乜可能坐埋一齊影相架喇 呢張算係合照啦...
6點...又係時間講byebye...主場hailey去咗瞓覺,所以媽媽bb合照欠咗hailey呢
see u~ MST's mums 9月29日 (二) ANNIE大日子今日係HAYDEN媽U-mate ANNIE嘅大日子...
其實佢舊年已經註冊 當時HAYDEN媽肚裡住了HAYDEN一個... 08年2月21日...即係有咗7個多月了~
話咁快就09年9月29日...
HAYDEN媽今年第二次做姐妹 真係feel sorry呢... 因為身為媽媽嘅關係,唔可以付出太多時間去prepare各樣嘢 呢啲遊戲,都係由其他姐妹去預備
HAYDEN媽今日最大任務就係"撒米"....
因為已經註冊關係,下午基本上係冇特別事情去做... 所以HAYDEN媽下晝照常返工
老闆唔係office,可以早啲5點走去飲宴場地
呢個地方有個outdoor area好靚 可惜落雨...唔可以出去影相
想當年喺U嘅莊X明個canteen,HAYDEN媽經常同ANNIE share一個飯 (有時仲見到香港飛魚王子現任歌手演員係度食lunch,佢都幾食得同埋鍾意飲紅色packing嘅汽水...真係有啲人唔知係咪學生揾佢影相架)
一班姐妹+新娘+伴娘+MC = 傻架~
切餅時間
SWEET
有時去呢啲場合正好就係一班好耐冇見嘅人RE-UNION 話得ANNIE係大學同學,當然見番唔少U-MATE啦 講真,好多都係畢業後冇見喇 (喺facebook都有見嘅...)
呢班就係同科嘅同學仔喇~
我哋好多都係以non-jupas外國成績考入學架 HAYDEN媽左右兩邊連ANNIE都係英國返來的...我哋仲有其他同學仔係CANADA & AUSTRALIA返來 可能我哋比較唔鍾意死讀書啩...好自然就group埋一齊玩,hahaaa
連埋其他HKU-mates來張大合照,你估除咗HAYDEN媽之外有邊個係媽媽?
答案係...
坐係hayden媽同紅衫者中間嗰個... 呢個媽媽仲係miss嚟架...
仲要係"藍but" 忝呀... hayden媽即刻問佢有冇10分加... kakaa...更係冇啦
不過有啲tips嘅... 佢係中學部嘅miss 有時都會幫手篩選小一派位嘅candidates 佢話啲家長整到啲profolio超級靚 入面仲clip咗好多唔同類型嘅cert 學校有指引,唔係越特別越另類嘅cert就會睇 e.g. 見到skating嘅cert睇都唔睇就拎走份application....failed 所以佢話cert唔駛多,最緊要有用
btw, 佢都唔係幾想自己個仔入佢教間學校
hayden媽就係咁傾傾傾 好快又散席
恭喜annie快啲生快啲生 等hayden又多個friend嘛
9月28 & 30日 (一,三) 泥膠 X 燈籠HAYDEN每次去music room上堂前都可以去課室玩住等
個樣真係好認真呢~真係識拼番落原位
呢張相勁攪笑,塊肥面好似方包一樣...hahaaa
今堂玩泥膠,HAYDEN有啲唔鍾意...但係佢就好鍾意放泥膠個盒 SUPPOSE個盒係要return比老師 但係HAYDEN嘅"強力要求"下 (C都唔肯放手) 老師無奈送HAYDEN一個吉盒 愛不擇手...睇下玩緊都要拎住...沖涼都拎住呀
*********************************************************************** 成日見啲小朋友要整燈籠 話咁快HAYDEN上playgroup都要整 可惜因為係weekday class,HAYDEN媽冇得同HAYDEN一齊整...残念！ 今次嘅燈籠,係由婆婆幫手整嘅
咁細個小朋友,燈籠殼係由學校提供 小朋友同家長,都係貼啲裝飾上去而已
學校還送每個小朋友一個籠...好似係一啲好傳統嘅中秋禮物
裡面有一塊疑似月餅嘅東西...
HAYDEN媽未食呀 唔知味道如何呢
衫痴的兒子本來恨有個女嘅HAYDEN媽依家興幸HAYDEN係仔唔係女~ 有咁嘅安排就因為怕HAYDEN媽會破產
HAYDEN媽嘅shopaholic以為已經醫好 原來目標係轉移咗去HAYDEN...
one day, HAYDEN媽為迎接秋冬嘅來臨,所以幫HAYDEN執下衫 (記住,係未開床下底嘅儲存櫃),有小部份攞咗去洗,呢啲係出街衫ONLY 見到呢個情況...
呢堆將會比朋友,HAYDEN之後有3個小朋友可以接收,分別比HAYDEN小2個月,8個月,1歲一個月嘅小朋友
COMME CA ISM 嘅FANS
POLO & GAP 嘅FANS
長袖未著過嘅衫,快將出動~
唔知點分類嘅衫
仲有多條長褲,短褲,吊腳褲...
HAYDEN真係好多衫... HAYDEN媽要節制下嗎 9月27日 (日) bbq @ AUDREY'S CLUBHOUSE多謝AUDREY媽邀請我哋去佢clubhouse BBQ呀~ 不過,因為BBQ場比較黑,所以唔係影咗好多相... 因為SHIRLEY喺度 (佢簡直係0805御用攝影師
初到步嘅HAYDEN同JUSTIN & 程程兩兄妹打個招呼先
HAYDEN好鬼衰...成日攞JUSTIN哥哥嘅嘢...e.g.螢光圈圈
仲有JUSTIN哥哥用緊THOMAS學習筷子食嘢時,HAYDEN一見到THOMAS個樣,又想走去攞...JUSTIN哥哥個樣好無奈~
中場HAYDEN因為想扭計離座,唔小心碰到鼻仔...然後大喊.. 初時收咗聲冇乜事... 過咗一陣佢又喪喊... 以為佢熱...同佢除衫除褲 以為佢濕片...同佢換片 餵佢食嘢...唔食 餵佢飲水...唔飲 做咗好多嘢佢都不停喊
開始有啲擔心 係咪整親呢~
兩個小時嘅BBQ 差唔多喊咗成個鐘 (好似有
HAYDEN爸媽都冇乜點食,要輪住"tum"HAYDEN... 最後到走都係喊住走...
一上到車 即刻收咗聲
返到屋企... 又笑又食得又飲得... 冇事... 可能係佢喺個場整親而驚驚...
唯一有HAYDEN嘅大合照 點影呢...佢喊緊架喎...
就係背後嘅爸爸們不斷CLAP HANDS引HAYDEN注意 快手快腳就影到媽媽BB大合照... (睇下HAYDEN除剩件BODY咋~)
下次gathering再見啦~ 原來A-KINDER嘅口碑唔錯喎~之前HAYDEN媽都提過 除咗本區心儀嘅A-KINDER之外,HAYDEN媽都有報九龍塘其中一間nursery... HAYDEN媽成日係度諗... 係咪是旦一間九龍塘嘅學校一定好過本區嘅學校呢
無意中發現一份article...所提及嘅就係HAYDEN媽報咗嘅兩間NURSERY
想不到,解答人說本區心儀嘅A-KINDER嘅口碑稍為好些呢~ 所以,HAYDEN媽都係要意志堅定啲... 雖然區外嘅人未必識A-KINDER....但係唔代表呢間nursery唔好~~~ |
)
(好彩唔多)
??? 係咪見到好多好靚嘅姐姐呢...唔係喎,呢啲姐姐都同HAYDEN媽咁大,HAYDEN應該要叫姨姨OR AUNTY喇喎
hayden同hayden媽都唔得
)
)
|
|
