一屋3人三包薬 

p.s. 依家屋企只有Hayden要食薬

３月27日 (五)

今日婆婆公公出發去旅行4天,Hayden媽已經連續放咗1日sick leave加1日annual leave,所以要返工喇~~~Hayden由嫲嫲同Aunty Grace照顧啦...

(Hayden家隔籬屋裝修,好大塵同埋好大天拿水味,所以嫲嫲留係婆婆家照顧Hayden)

Hayden媽趁老闆出差了,4點和同事講聲就回去看Hayden啦...

Dinner後就返Hayden家...

Hayden今日只有幾聲咳~,希望好轉啦

背影: 最近Hayden瘦了一點 (昨天係仁安磅10.43kg), 可能大個仔活勳多了而slim了一點

3月28日 (六)

今朝Hayden有低燒, 38.3度,同埋幾聲咳...所以只係餵他食退燒水

咁既情況緊係唔上幼潛啦...

Aunty Grace要做家務,所以我哋帶埋Hayden出去食lunch

Shakey's Pizza

食咗薬既Hayden好攰...

5點Hayden爸要出去打波...

Hayden媽陪Hayden電視,最近Hayden竟然鍾意坐Bambo Chair...4個幾月時買比佢坐佢勁唔鍾意,而且可能高度唔配合坐一陣就嘔...依家坐住電視都不知幾歡喜

3月29日 (日)

尋晚Hayden發燒到39度,半夜3點可能發燒而醒了~~~

食咗100ml奶 4點再瞓過...

今朝起身除了咳和發燒,還有鼻水同打噴嚏...仲要發生我哋諗為係nightmare既事--->咳到嘔...慘慘~~~

咁既情況全日都留係屋企...

希望Hayden快D好番啦!!!

公公婆婆聽晚先返,嫲嫲聽日同Aunty Grace照顧Hayden...但係如果Hayden起身後都不太okay,嚟Hayden媽又要請假帶Hayden醫生喇~~~~

好想覆你地既留言、可是HAYDEN一家病気中、HAYDEN 媽全部有但暫時沒有時間去REPLY～～～

３月２５日　（三）

HAYDEN媽可能好耐冇由夜晚一覺瞓到大天光、引至抵抗力弱加上春天關係氣管收窄、婆婆昨晚幫HAYDEN媽頂一晚、HAYDEN媽可以１０點半ｚｚZZZ。可是第二朝起床都不太OKAY所以最後要SICK　LEAVE、瞓到１１點多出去醫生。

還好休息一整天、夜晚開始我家大小不良相繼發燒。HAYDEN１０點多３８．５度、HAYDEN爸９９．１度、為咗預防交叉感染、HAYDEN同HAYDEN媽瞓方便照顧、HAYDEN爸做廳長。

３月２６日　（四）

零晨１２點多、聽到HAYDEN爸去廁所嘔

零晨３點多、HAYDEN發燒３９．３度

其間HAYDEN媽不敢太熟睡、要留意大小不良既情況

到６點多、HAYDEN發燒３９．１度、雖然不是十分高燒、但係HAYDEN從來未試過高到去３９度以上、HAYDEN媽只好請半日ANNUAL LEAVE帶HAYDEN去仁安醫院醫生。

９點多打電話去BOOK 1０點APPOINTMENT,立即飛車去醫院。

而HAYDEN爸要請SICK　LEAVE就自己去屋企附近醫生。

HAYDEN見醫生、但除咗發燒就冇咳冇鼻水冇肚脹...

所以醫生懷疑係發幾日燒跟住出玫瑰疹,or 尿道炎

想知係咪尿道炎當然要驗尿,大人驗尿就冇難度啦,小bb點驗呢?

原來護士將一個膠袋用膠紙貼埋膠袋口同小雞雞四周,膠袋裡載滿棉花,等尿液可被棉花absorb而唔會溜出来...

平時既Hayden不用待很久便有vv...今日等左好耐都冇,even我哋比水佢飲都冇vv...一等就等到12點幾,醫生suggest我哋先回家稍後有vv才拿回去醫院...還好,臨走前護士幫Hayden多check一次,有vv了...(有啲disgusting)護士從膠袋取出棉花並揸出vv落量杯(當然有帶手套),待她拿到化驗部確認有足夠vv後便可付款取藥了。

由10點到1點半,承惠$985有藥有藥膏for面部皮膚(呢個價係仁安出世BB已經打折了)...所以如果父母公司有包子女medical你哋話多好呢,Hayden媽只係幫Hayden買咗住院加意外保險~

回家已經2點,連下午都要請annual leave~

依家等報告出,其實Hayden已經冇燒了~

本來今晚同公公出街食飯預祝生日(明天一連四天和婆婆旅行去),可是我家大小不良咁既狀況都係等公公回來後補祝生日好了~

喺HKU影咗少少相之後我哋就去PLAYTOWN參加HLC兩歲生日會喇...

HAYDEN一家係第一次嚟...如果HAYDEN識行識走, 咁呢度就係超好地方比小朋友去RELEASE 佢哋嘅ENERGY (我諗家長都會虛脫)...落雨都玩得嘅PLAYGROUND

今年每個小朋友都有一件由AUNTY MAG設計嘅T-SHIRT同布袋~

HAYDEN當然即刻著上身啦~

PARTY未開始時,HAYDEN周圍爬下

又坐下

又同HAYDEN媽玩下咁...

爬爬下突然見到有女孩子

(HAYDEN媽同女孩子媽媽交流下湊仔經發現女孩子又係0805而且佢哋都有參加0805 X'MAS PARTY...真巧合呢~)

小女孩可愛又熱情

佢好想捉住HAYDEN個大頭~

最後捉到," 交個朋友好嘛~"

可惜未有充足嘅時間一齊玩又到切蛋餅時間

一齊唱過生日歌後HLC就CUT CAKE喇~~~~

來個大合照會(小朋友加其中一位家長)

HLC同AUNTY MAG好忙同其他人影相,我哋同CINDY影相

終於有機會同AUNTY MAG同壽星女合照

可惜HAYDEN已經同周公玩緊喇~~~

多謝AUNTY MAG邀請我哋嚟HLC嘅生日會~~~AUNTY MAG真係好有心機去攪生日會, 所以HAYDEN媽自愧不如,唔敢幫HAYDEN開大型生日會...還記得HLC舊年1歲生日會時,整咗一段由AUNTY MAG大肚到HLC出世到HLC一歲嘅成長片段連音樂(類似結婚時嘅成長VIDEO)...超又心機呢~

時間過得真係快,HAYDEN媽睇返上年去HLC一歲生日會個BLOG,嗰時HAYDEN仲喺HAYDEN媽個肚入面,依家HAYDEN都十一個月大喇...噢,原來嗰時HAYDEN媽好想參加0805一歲生日會架...本來HAYDEN一家出席唔到5/24嘅0805一歲生日會(5/22要去S'PORE出席朋友嘅BANQUET),但係真係好想去生日會嘅關係,最後我哋改SCHEDULE提前一日5/23晚回港

今日HLC喺PLAYTOWN開兩歲生日會,去開薄扶林,緊係要帶HAYDEN去下HAYDEN媽以前讀大學嘅地方啦,冇理由咁唔FAIR, HAYDEN去過HAYDEN爸讀嘅科大有三次而未去過HAYDEN媽嘅UNI睇睇...

其實畢業後好似冇返過嚟...我哋今次時間緊迫,所以只係喺MAIN BUILDING度影下相~不過睇返畢業時影嘅相,好次又唔係好耐之前咁...

HAYDEN坐呢張長凳~~~

HAYDEN媽個樣好愁咁都坐過

HAYDEN媽企喺度兩手空空

依家單手抱住廿幾鎊嘅HAYDEN

當時人人手抱畢業公仔

唔知有幾多人依家抱住自己個仔呢~

究竟有乜改變呢?

HAYDEN媽以前影相好COOL,就算笑都唔會開口笑...點解會有咁嘅改變?係影結婚相時PRACTICE返嚟嘅

"攞嘢FING來FING去,拉開啲傢俬腳,掃啲DVD落地下..."

想睇下HAYDEN平日係屋企點曳曳...有三分鐘時間可以了解一下(可以開埋聲睇就知道HAYDEN講乜BB話)

由於錄影時HAYDEN媽未起身,HAYDEN爸唔STOP HAYDEN仲錄低去所以先睇到HAYDEN咁"真實"嘅一面

睇少陣屋企唔知會變成點呢?

有冇發覺HAYDEN媽最近很少UPDATE個BLOG?

一來OFFICE坐個位其實喺老闆前面,平時佢坐低我都會低調啲上網寫下BLOG...依家唔知道係咪冇乜嘢做成日起身行來行去...咁嘅時世真係唔敢做私人嘢~

二來...唉...HAYDEN最近(呢個幾星期)攪到HAYDEN爸媽人都癲...成日半夜醒咗唔肯瞓,抱又唔得坐又唔得...又要開奶又要換片...HAYDEN爸媽真係好EXHAUSTED...我哋又要準時7點起身梳洗返工...想瞓多陣都唔得...前幾日HAYDEN好似唔駛瞓咁,由半夜兩點幾到我哋返工時間都唔瞓返...HAYDEN媽咁嘅天氣唔夠瞓會鼻敏感發,所以我同HAYDEN爸輪更我頂短啲時間之後由HAYDEN爸頂到返工...因工作需要HAYDEN爸當天要去大陸即日來回見客...返到公司仲要做...結果頭痛到爆,仲要嘔咗三次...慘慘...

尋晚HAYDEN又四點醒咗...喺度扭計,HAYDEN媽實在忍唔住打咗HAYDEN手背三下攪到HAYDEN大喊...好彩即刻比支奶佢食就收聲...見到佢喊時好後悔,但係當時超眼瞓同埋諗起瞓多陣又要起身返工所以好抆~

我們都累了...想好好的睡一覺,有冇BB又係咁而有媽媽可以破解到呢?HAYDEN以前BB時係HAYDEN媽放完產假前一個星期已經介咗夜奶,點解依家就嚟一歲又會半夜起身呢~

陰陰濕濕落咗幾日微雨,今日終於放晴~~~

本來HAYDEN媽有點唔舒服唔想出街,但係又唔想晒咗咁好天氣嘅SUNDAY

所以我哋又出動喇~

睇到BB車頂上嘅東西嗎?

再睇清楚啲...

唔駛諗我哋又去DISNEYLAND揾米老鼠囉

去到差唔多兩點但係HAYDEN爸媽都未食LUNCH...不過一入到去見到有MICKEY & MINNIE影相嘅亭...又忍唔住就去排隊,叫HAYDEN爸去買杯奶茶TAKEWAY頂住先...

其實條隊都幾長...HAYDEN係隊尾遠望MICKEY & MINNIE

好曬呀...初時HAYDEN都肯坐BB車

無幾耐之後要抱

HAYDEN媽變咗大力士,左手抱HAYDEN,右手拿傘

BUT最後HAYDEN都要扭計...不過真係好曬好熱...

等咗45MIN有得影喇

點解今次HAYDEN媽帶病在身咁堅決要影呢?因為可以肯定HAYDEN係一見到電視類嘅MICKEY就會大叫,為博紅顏一笑...不過太熱,紅顏笑唔出喎~

影完差唔多三點,拿拿林去CORNER CAFE食LATE　ＬＵＮＣＨ

入到有冷氣地方即刻笑晒

多得ＨＡＹＤＥＮ嘅ＡＴＴＥＮＤＥＮＣＥ，ＨＡＹＤＥＮ媽可以同ＨＡＹＤＥＮ　ＳＨＡＲＥ兒童餐

（ＨＡＹＤＥＮ有份食荷包蛋飯，可惜剛剛食咗奶冇得食ＭＩＣＫＥＹ頭西瓜）

一心諗住帶ＨＡＹＤＥＮ玩馳車天地，點知原來有高度限制唔玩得．．．ＳＩＧＨ～

唯有係門口架車道影相留念啦

咁跟住就去小小世界坐艇

ＨＡＹＤＥＮ爸怕玩咖啡杯，ＨＡＹＤＥＮ媽同ＨＡＹＤＥＮ玩二人一杯

黃昏時間有個清潔嬸嬸用掃把掃咗個ＭＩＣＫＥＹ頭出嚟～

好靚呀，係掉咗落地下嘅花冧

夕陽無限好　

　　只是近黃昏

５點半．．．又係時間講BYEBYE, 我哋要去女麻女麻屋企DINNER喇

第二期嘅幼潛已經上到第四堂

我哋完咗呢期之後要各散東西喇

因為我哋上堂嘅時間唔係咁好---HAYDEN一家一係就落堂一齊趕去陪HAYDEN爸打波, 一係HAYDEN同HAYDEN要等救援公公來車我哋走而HAYDEN爸就獨自上路...

今堂好少人呢~得四個...

主場ATM夫婦去咗旅遊,所以HAYDEN爸唔駛打波...難得休賽一天我哋就去行街...

講真,同HAYDEN上完PLAYGROUP真係好疲倦...同埋好肚餓 (要同HAYDEN一齊走來走去緊係EXHAUST啦)

所以,去到一田拿拿聲買個CREPE食...YUMMY...

HAYDEN: 媽媽,我上堂都用咗好多力去反抗架...又典地又喊,用唔少ENERGY...好肚餓呀~~~

好啦,咁HAYDEN媽就比CREPE皮HAYDEN食...

HAYDEN: WOO...好味...!!!

最近嘅HAYDEN...十分鍾意車 (有其母必有其子)

除咗喺屋企鍾意玩玩具車之外,仲鍾意企喺司機位扮DRIVING (當然係停喺carpark時先比佢玩啦)

有時HAYDEN坐喺後座時聽到我哋話 "砵砵" & "楂車車",佢會將個身體傾向前示意我哋佢要去司機位...

***********************************************************************

又,最近HAYDEN好鍾意喺床仔企...

無論喺屋企

或者婆婆屋企 (HAYDEN媽未嫁時嘅房變咗做HAYDEN房)

都會企喺床仔入面...

有時單手企 (但係佢未係企得好穩陣喎)

凝視住旁邊嘅嘢打鬼主意

可能要荒原十里都唔擺得嘢,因為HAYDEN最鍾意掉嘢落地下...激死~

自從有了HAYDEN後都很少見自己嘅朋友, 沒有小朋友嘅FRIEND就更加少見~

但係今個週末好充實呢,見咗好多識咗多年嘅朋友...

3月6日 (五)

朋友: MASIE (舊公司同事,兼HAYDEN媽伴娘)

放工後6:10PM開始已經在公司附近嘅日本料理DINNER, 我們吃不多...但係嘴巴不停...服務員不停為我哋加茶...直到9點, 不好意思繼續坐,我哋轉場到STARBUCKS...一直到十一點才歸家...

3月7日 (六)

今日節目很多,HAYDEN無乜點瞓直落,お疲れ様でした！！！

朋友: ANNIE & FLORENCE (HKU U-MATE)

九月尾我會做ANNIE結婚嘅姊妹,但今次GATHERING唔關結婚事...係ANNIE同FLORENCE想見見HAYDEN...為咗就HAYDEN今日上幼潛同埋要有HIGHCHAIR(仲要前面有欄嗰種)嘅餐廳,我哋係TST OUTBACK食LUNCH...

差不多兩小時嘅聚會有啲唔夠,希望好快可以再有GATHERING啦

食飽我哋要趕去幼潛,3點3準時到達,但係成3點半先開始...早知傾多陣先啦...

幼潛後HAYDEN爸要打波,HAYDEN媽另有節目,要分道楊鏕,所以舅父婆婆來接HAYDEN和HAYDEN媽...

朋友: 周爸爸 (其實嚴格啲來講係舅父嘅朋友,即小BAND嘅主音,但大家喺NZ度認識已經有十多年了)

從此窗可以望到DISNEYLAND嘅煙花,據屋主講被逼要每日睇煙花不是一件樂事,甚至有啲煩...

但係我哋今日來亦都唔係為咗睇煙花

係因為今日係屋主港韓小女兒一歲生日....

"阿衣嚇些YOH"~我係壽星女RACHAEL~

(佢9個多月就識行喇,依家識RUNNING呀,勁!!!

RACHAEL和家姐CLARA都穿上韓服裝扮一番...屋主兩夫婦很厲害呢,全部食物都係親自下廚(當然有工人ASSIST),全部都係自家製冇到會無冇外賣...

聯合國美食有...

(圖片只影到一部份)

中: 灼菜,蒸魚,鮑魚湯

西: 三文治,沙律,意粉

日: 日式咖哩,壽司,燒粟米

韓: KIMCHI,韓式粉絲,炆牛肋骨,煎薄餅,醬油茄子

星: 海南雞飯

點解咁多款式?因為屋住係香港人,太太係韓國人,佢哋喺日本留過學,屋住爸爸做海味生意,屋主媽媽係SINGAPORE華僑...所以咁咁咁囉~

好喇,講返生日會...HAYDEN初時只係自己玩...

睇下佢~~~上次喺屋企虐狗後今次喺到虐待長頸鹿

熟咗環境後都可以同RACHAEL玩下

甚少見嘅場面...5個小朋友之中得HAYDEN係男仔

有RACHAEL 家姐CLARA,兩個都係三歲嘅潼潼同SAVANNA... 

正當個個都行來行去攞嘢食時,HAYDEN竟然咁危險坐係路中心?

望近啲原來喺度玩緊BEER缶

乾杯!!!

最後係切餅時間

由HAYDEN陪壽星女切餅

HAPPY 1ST BIRTHDAY TO　ＲＡＣＨＡＥＬ！！！

希望你好似家姐咁識廣東話，韓文，英文，國語，日文啦～～～ 

３月８日　（日）

婦女節．．．今日係姊妹ＧＡＴＨＥＲＩＮＧ．．．我五月初都要做姐妹

朋友：　ＡＤＡ　（ＨＡＹＤＥＮ媽跳ＢＡＬＬＥＴ由４歲跳到１６歲，ＡＤＡ係跳ＢＡＬＬＥＴ時識嘅朋友，你哋話識咗幾多年呢．．．！）

今日係我哋第一次姐妹聚會．．．都係交流下咁，未有ＲＵＮＤＯＷＮ所以都係初步討論同吹水多

今年都有幾個婚宴，其中要做兩次姊妹（ＡＤＡ５月，ＡＮＮＩＥ九月）．．．５月底要去星加坡飲（仲諗緊好唔好早一日返可以去到０８０５個一歲ｐａｒｔｙ），８月底中學同學有ｗｅｄｄｉｎｇ　ｃｅｒｅｍｏｎｙ喺ｃａｎａｄａ（但係去唔到啦．．．），金融海瀟下都有啲嘢開心下

お帰りなさい～

公公婆婆晚上由日本回來...

HAYDEN媽食過晚飯後駒車去機場接機

HAYDEN呢?由HAYDEN爸在家看管, 及等...?

手信

HAYDEN今次收鑊認真豐富

BABYGAP, COMME CA, ADDIDAS, OSHKOSH...ETC

衫褲鞋襪袋帽口水肩玩具通通有,今個夏季可以買少啲嘢比HAYDEN...

HAYDEN媽都有手信收...AS ＫＮＯＷ AS, LOWRYS FARMS, JEANASIS...

嬉しい～

2月28日 (六)

HAYDEN 換上運動服? 有咩嘢節目呢?

星期六,當然係去上幼潛啦~

今日無得影相啦,得第一堂同最尾嗰堂先可以影...

今堂呢, 要學企得靚靚, 唔可以用腳趾POINT TO ＴＨＥ FLOOR,腳掌要貼地腳趾向前...係呀係呀, 真係要企好啲,千其唔好學HAYDEN 爸咁八字腳,好似唐老鴨咁

今日BADMINTON TIME係5-7PM, 還好無塞車...去到HAYDEN 爸還可以買嘢食,HAYDEN媽買嘢飲...

HAYDEN上完堂當然累透啦, NAP一NAP係指定動作

NAP了一小時就起身,可能場波唔夠激烈,HAYDEN睇到放蚊...

HAYDEN媽見HAYDEN咁悶,所以帶佢去PLAYROOM玩...

ATM夫婦CLUBHOUSE個PLAYROOM都好大...HAYDEN都唔知玩邊樣好~

(唔好以為HAYDEN著短褲,信信媽都問過...HEHE...其實HAYDEN套運動服係FOR 9MOS嘅, 但係剛剛先發現好似無著過, 所以唔理咁多即刻著...)

3月1日 (日)

本來今日好多PLAN咗節目如下:

1. HOUSEWARMING @ COOKIE屋企 +  DISNEYLAND

2. DISNEYLAND + CITYWALK行街

3. CITYWALK行街 + 一田行街

因為HAYDEN有超低燒所以費事去有幾個小朋友嘅HOUSEWARMING PARTY, PLAN 1 取消!!!

因為天好黑同埋有微雨,所以唔想去DISNEYLAND, PLAN 2 取消!!!

因為餵完HAYDEN食午餐粥之後扭眼瞓,一瞓就瞓到五點幾...邊有時間去行街吖, PLAN 3 取消!!!

FINALLY, 近近哋去咗JUSCO順便食DINNER (無錯, 出去時已經六點幾...)

DINNER @ WATAMI

HAYDEN今日有幸可以試食少少(岩手鍋裡嘅南瓜&豆腐 + 壽司飯)

等啲食物嚟時還好坐定定

食物上枱後就無時停,係咁掟面前嘅嘢,HAYDEN媽唯有比佢食少少平服佢嘅心情

食到尾聲唔肯食又唔很肯坐定定...唯有埋單走人~