每年奶奶都會整粽,有紅豆有綠豆有梘水...今年也不例外

 

晨早起來,hayden悶悶不樂的樣子...緊係啦...落咗成個星期雨,今日公眾假期又係咁...冇得出街呀~

 

咁唯有睇下雜誌啦

 

但係hayden冇得出街會扭計架...唔理遠定近,出門口就已經好開心...咁近近哋去婆婆屋企玩啦...

 

 

我哋今晚要去奶奶屋企做節,所以要早啲換衫,因為佢哋6點就開飯喇

 

 

過咗一歲都依然鍾意玩remote?

 

 

好喇好喇...我哋5點半要出發喇...下雨天嘅端午節就咁就過咗喇

 

(hayden學行進度: 間歇性嘗試行到最多4小步)

HAYDEN好少著衫著到笑~~~多數都係一度扭計一度著衫

 

緊係啦...HAYDEN一生人第一次觀禮 (本來係尋日5/22喺SINGAPORE參加人生第一次飲宴,可惜...)

HAYDEN要著靚靚扮斯文小生去觀禮

 

場地係NEW WORLD CENTRE嘅伊甸園 (話當年: HAYDEN爸媽係METROPOLIS嘅伊甸園註冊)

 

未入場先來一張全家幅 (唔好浪費機會,多數全家幅都係自拍多,難得有人楂機緊係把握機會啦)

 

我哋仲要借埋HAYDEN爸同事個仔KK扮一家四口呀~~~~(睇下HAYDEN爸媽幾開心)

 

KK呢...好有哥哥嘅風範,HAYDEN有啲唔耐煩,KK又唱歌又比自己嘅玩具HAYDEN玩...真係好乖

 

講番今日嘅主角----HAYDEN爸嘅同事RACHEL

 

每一次見到人哋結婚都好開心...

但係今次我要將HAYDEN把聲嘅音量收細所以心情有啲鼓譟 (HAYDEN想係人哋MARCH-IN同讀誓詞時大叫呀...幾徬徨呀!)

anyways,係一個happy wedding!!!

(話當年: 真巧合,今次呢個証婚律師都係幫HAYDEN爸媽証婚嗰個...莫非伊甸園得一個律師)

禮成後HAYDEN爸同事們同HAYDEN喺門口影幾張相我哋就先走喇~~~

 

因為HAYDEN要上電,其實HAYDEN爸媽都要上電,我哋到禮成3點幾都未食LUNCH,好肚餓呀~

 

食飽飽嘅HAYDEN又兩頭望,又想玩...HAYDEN爸媽只好輪住食嘢啦~~~

 

食飽我哋要分開走喇...HAYDEN爸呢,成4點緊係要去酒樓啦,有排都未開席緊係會合同事們耍樂一下啦~ HAYDEN媽帶HAYDEN會合公公婆婆去SOGO行街

 

HAYDEN爸要耍樂飲宴直落,HAYDEN媽同HAYDEN去完SHOP SHOP 就返歸喇~~~

 

出完街嘅HAYDEN又放蚊...

 

(今日5/23HAYDEN媽勁流鼻水呀,好鬼辛苦...夜晚HAYDEN爸飲完返到屋企都12點半,HAYDEN媽一個頂硬上食藥湊HAYDEN,冇足夠休息當然唔會好番啦...咁就攪到HAYDEN一家冇得去5/24嘅0805一歲PARTY呀...0805一歲PARTY喎~~~講咗好耐當時為咗呢個生日會PLAN提早一日由SINGAPORE返港,可想而知幾緊要...奈何HAYDEN媽係咁流鼻水,唔知係鼻敏感或傷風或感冒...HAYDEN媽見咁多大小朋友去PARTY唯有忍痛唔出席啦...去之前嗰日又有一單豬流感感染女子係住係HAYDEN爸公司啲日本人個紅磡屋苑,HAYDEN媽見自己勁流鼻水費事嚇親人啦)

最近公司附近開咗間很有名賣雞蛋仔店...新張開幕,買滿$10就半價...頂爛市呢,攪到成日都有條人龍喺度,不過真係好抵,同事去買一盅蒸鳳爪排骨飯$15 + 凍or熱飲$3 半價後$9咋...

 

Hayden媽係帶飯返工食嘅,所以冇買平飯食,因為此店係以雞蛋仔做生招牌(貼晒啲明人去佢哋舖頭啲相喺度),所以Hayden好有心3點3時間去買諗住唔駛排隊...原來又係有啲有心人呢個時間去排隊...最終用咗25min去買雞蛋仔,total買咗3底, 1底比同大廈返工嘅Hayden爸,1底係隔幾咗返工嘅Hayden姨婆....Hayden媽做咗雞蛋仔速遞員

 

*************************************************************************

由5月21日開始幾間百貨公司都減價,永安就最近hayden媽公司...為咗節省時間hayden媽喺lunch time拿拿聲食叮熱個便當食然後去永安入貨

 

又買相架呀...仲要買8R...都係因為喺迪迪尼買嘅相,全部都係大相,唔擺出嚟又好似浪費咁...

 

*************************************************************************

海港城嘅bazzar今期係賣bb仔衫呀...有Hayden媽喜愛嘅comme ca...weekend去驚多人,放工之後去又驚多人,咁Hayden媽就早啲走5點放工撲去海港城

 

買咗3件衫仔..同埋一對涼鞋for去樓下clubhouse公園著嘅...

 

去完bazzar meet up 公公婆婆帶埋Hayden出黎,之後婆婆係買咗h & m 嘅牛仔褲比Hayden

 

***********************************************************************

大個仔*細個仔

Hayden細個時有啲怕沖涼,但係依家大個仔好enjoy...有得玩泡泡又有plastic car玩

 

玩到又叫又笑架~~~

 

Hayden自己有個小小圖書角,以前嘅佢對於呢個圖書角一啲興趣都冇...依家大個仔喇...唔知道係啲書好玩或真係對啲書有興趣

 

佢肯去掂下啲書已經係好嘅開始

假期嘅朝早起身你哋會做咩嘢呢?

 

HAYDEN爸這個機痴可以喺星期日嘅早上7點幾起身打機~

HAYDEN可能想睇442 (註: now電視嘅DISNEY PLAYHOUSE CHANNEL), 所以用REMOTE轉台 ( 叻仔,合HAYDEN媽心意....KAKAA)

 

想飲水嘅HAYDEN又心多多咁注視其他嘢,今次又想玩乜呢

 

哎呀...又玩個EYE電話呀...

 

真係好驚呀...上次我睇少咗HAYDEN一陣見到呢個電話DOWNLOAD緊嘢,我即刻CANCEL咗去,唔知會唔會有CHARGE呢...睇嚟要摸索下呢個電話有冇CHILD LOCK 先得,如果唔係我真係驚DOWNLOAD 費多個電話費呀~

 

HAYDEN你都係做返正經嘢飲水好喇~~~

 

或靜靜地玩玩具啦~

 

中午...HAYDEN爸話想去剪頭髮,咁我哋順便出去飲茶,仲有公公婆婆姨婆...

 

HAYDEN全程飲茶都坐定定冇扭計喎...緊係啦,佢有得同大人一齊上枱食一定開心架

 

DINNER我哋去奶奶度食,食完要去沙田卓悅買奶粉,好抵呀,買咗1箱$1160即係$145一罐...要自取,不過我哋楂車由奶奶屋企順路經過沙田返歸...所以都方便唔駛拎得咁辛苦

其實都係ＨＡＹＤＥＮ爸一個去拎．．．只係買奶粉ＯＮＬＹ費事迫車ＨＡＹＤＥＮ媽同ＨＡＹＤＥＮ睇住架車好過

 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

 

HAYDEN的禮物:

1. 姨婆從英國帶回來的英格蘭波衫波褲...希望HAYDEN明年世界杯仲啱著呢套衫啦...HAYDEN媽都有幾件珍藏英格蘭球衣架

 

2. 由PEGGY從東京帶回來嘅COMME CA FOR　ＨＡＹＤＥＮ．．．香港買呢個ＢＲＡＮＤ真係勁貴，日本當然最平啦，台灣都要比香港平呀～～～

 

 

ＭＡＮＹ　ＴＨＡＮＫＳ

今日我哋去信信生日會呀~

 

信信媽係麥當當為信信開生日會,HAYDEN媽對上一次參加麥當當生日會係自己個朋友嘅生日會...KAKA...即係N年前囉...

 

HAYDEN簽個名留念先

 

信信: HAYDEN,今日我生日會,比個笑容嚟睇下好喎~

 

HAYDEN: 我媽咪要我帶帽呀,你知我最憎瞓低同攪我個頭架啦~

 

程程見都HAYDEN伸脷,攪笑~~~

 

來一個"嬲"嘅合照

 

好喇,夠鍾鐘玩遊戲喇...可惜HAYDEN未識行冇份玩

 

不過都有禮物囉,要排隊喎...HAYDEN未識行,咁就坐住排隊啦

 

HAPPY BIRTHDAY TO信信～～～

 

 

到3點生日會完咗我哋就去MEGA BOX行街

 

HAYDEN一去到就要上電

 

HAYDEN食飽想瞓個樣

 

雖然喺MEGA BOX 已經瞓咗一轉,但係6點幾走嗰時想到車又放蚊~~~~

 

懶-人-是-也!!!

 

還記得HAYDEN未都到半歲HAYDEN媽已經去咗區內兩間幼兒園嘅OPEN DAY參觀嗎?

(幼兒園見學1,幼兒園見學2)

最近又再諗HAYDEN讀N1嘅幼兒園...其實最IDEAL都係想佢入到嚟間...

 

HAYDEN媽上2個星期都EMAIL過去問有關入學申請事宜,不過佢哋就話未咁快POST申請程序同安排,今年冇OPEN DAY不過就可以個別約時間參觀校舍...咁又唔駛咁早去再參觀,我只係想知道今年申請係咪同上年一樣,如果係HAYDEN媽又要燒一日假去攞FORM喇,其實應該係請上午...因為要快啲囉到FORM(APPLICATION NUMBER越前越好),仲要快手交FORM咁先大機會有得INTERVIEW...如果下午去睇怕都唔會有得INTERVIEW啦...

 

嚟一間係分校,環境冇得頂,in case唔收所以Hayden媽都會報埋正校,咦,咁咪要分身術去報名~

 

報國際班定普通班好呢,如果報晒就要2張form,咁2間campus都報咪要交4張form囉

 

過嚟間幼兒園既校服價錢,夏季$420/set,冬季$660/set,書包$120,Hayden媽唔知其他幼兒園校服價錢,但係就覺得嚟間啲校服幾貴,小朋友快高長大著一季而已~

 

幼兒園介紹:

教養孩童,使他走當行之道, 就是到老他也不偏離. 箴言:廿二章六節 辦學的使命 XXX國際教育集團致力為孩子提供一個充滿愛與關懷，富啟發性的教學園地，揉合中外教育的精粹，尊重不同文化；重視學生個人潛能發展。本校教職員均擁有健康和積極的人生觀及熱誠，陪伴孩子建立正確的人生價值觀，讓他們不斷經歷成功。 教育理念 本校以基督精神為依歸，配合美國啟發潛能教育(Invitational Education)之精神，深信所有孩子都是有能力、有價值和可以承擔責任的，培養孩子自重、自愛、互相信任、勤奮、主動承擔、主動思考和主動學習的態度。為了引發學生最大的潛能，本校會刻意地營造一個積極和愉快的環境，並透過政策(Policy)、地方(Place)、人物(People)、課程(Programs)及過程(Process) 互相配合而建立孩子樂觀積極的態度和不屈不撓的精神，使他們對未來充滿希望，並有勇氣和能力去面對挑戰。我們相信有效的學習是建基於學校、老師和學生的互相信任和互相交流。我校老師們會為孩子提供多方面的學習機會，並配合積極的學習氣氛，讓孩子在一個愉快和被受尊重的學習環境下確立全人發展，能發揮個人才幹、學習能力和創意思維。

師資 我校各級老師分別獲得教育碩士、幼兒教育學位、証書及師訓合格教師等專業資格。她/他們是極具經驗、愛心及忍耐力的幼兒教育工作者，貫徹基督教的”全人教育”理念，教育孩子將來成為”全人”(即完美的人格)。我們更聘請經驗豐富的中、外籍老師負責教授普通話(國語)及英語課程，通過學習拼音、講故事、唱兒歌、識韻律、誦詩詞等多方引導，務使每個小朋友在校的四年內都能確確實實地學到知識，為應付將來更艱辛的學習打下良好的基礎。 全英語國際課程 本校為照顧外籍人士子女在港學習與溝通，更考慮到本地部份家長欲其子女能更早地全面接受英語課程而特別設立 “全英語國際班”，由多位經驗豐富之外籍老師擔任教導。報讀該班之小朋友在校全部時間將採用英語授課，配合生動的教學形式，運用多元化教材，引導小朋友在英語的環境中接受薰陶，務使在最短的時間內建立其自信，能運用英語與老師溝通。 校舍及設備 自置兩所校舍面積共三萬餘呎，經專家悉心設計如樂園般的學習環境。再配合全天候中央空調，閉路電視系統及先進之教學器材，設施完善。除標準課室外，還有寬敞的大肌肉運動場、設備齊全的電腦室、圖書館、音樂室和種植區等不同類型的探索場地和活動場地。兒童亦可以在種植區親自種植各種植物或蔬果，讓孩子親眼看到植物由種子發芽，生長，成熟各階段的發展過程，從而教育孩子們養成愛護大自然和保護大自然的高尚品格。

邁向國際 XXX幼稚園暨國際幼兒園，與美國兩間著名教育機構簽署了姐妹學校結盟協議書，標誌著香港的幼兒教育事業，由XXX率先，邁開了走向國際化的一大步。“SCOTT　COUNTY　SCHOOLS”（S．C．S）及“JESSAMINE　EARLY LEARNING　VILLAGE ”(J．E．L．V)，是美國公認的「啟發潛能教育」優質名校，結盟後她們將派出資深教師來港，並會以XXX為基地，將「啟發潛能教育」這一美國最先進教育模式，全面而有系統的課程引入香港，發揚光大，讓更多的小朋友得以接受更優質之教育。 本校榮獲國際殊榮 國際啟發潛能教育聯盟頒發的國際啟發潛能學校大獎 香港中文大學醫學院健康教育及促進健康中心及世界衛生組織認可之『健康幼稚園獎勵計劃』銀獎

HAYDEN媽真係好耐好耐冇去過旺角喇...

年青人嘅地方HAYDEN媽緊係唔多去啦,放工唔會去,星期六日帶住HAYDEN更加唔會去

但係今日HAYDEN媽同HAYDEN爸放工好似回到去拍拖時期咁去旺角呀~

因為...

HAYDEN夜晚瞓覺成日漏尿,用過PAMPERS, HUGGIES 嘅片片同褲仔都漏...可憐HAYDEN爸媽要半夜2點幾起身換片,先有90%第朝冇發現漏尿情況

係FORUM睇咗啲意見同埋PEGGY嘅BB都用緊,HAYDEN媽就決定試下MERRIS片片...

因為係日本水貨關係,冇可能係MANNINGS,藥房等等可以買得到,格價後發現旺角嘅BNM做緊特價,HAYDEN媽放工拿拿聲去BNM買片,再等HAYDEN爸放工嚟幫手拎返屋企

其實我都唔知HAYDEN用得好唔好,所以HAYDEN媽都係買住一包試下先

 

咁HAYDEN爸未到再行多陣,原來嚟度買明治大仔都好抵呀,$150一罐,即刻掃兩罐

 

想買沙槌好耐,見到有麵包超人嘅即買...

 

買完了咗件心事可以做自己嘢...哈哈,依家好多薯條店但係HAYDEN媽一間都未試過喎...所以就同HAYDEN爸去旺角嘅IRELAND FRIES買薯條食

 

HAYDEN媽揀咗SOUR CREAM SOURCE

 

覺得係紐西蘭嘅SOUR CREAM好食啲,香啲...薯條又唔覺得特別好食, SO SO啦

跟住同HAYDEN爸行下旺角,不過又熱又多人所以冇乜睇嘢就諗住去食飯...想去OPENRICE推介嘅APPLEGREEN,8點鐘去到問我哋有冇訂位, "冇呀", 要八點九先有枱...咁耐,歸心似箭喎...真係冇咁嘅閒情去等位慢慢食...拿拿聲去食碗麵就返歸喇~

 

***********************************************************************

 

因近日豬流感已經四圍散播,而且小朋友感染指數高,為安全起見,HAYDEN嘅首航旅程去星加坡決定取消,今日已經同SINGAPORE AIRLINE方面辦咗手續,下個星期唔駛請ANNUAL LEAVE喇...

原本PLAN咗嘅節目係

同婆婆飲茶然後一家三口去迪迪尼夜晚同嬤嬤食飯

 

點知~~~

 

HAYDEN媽同HAYDEN成日都冇出去...

 

 

因為....HAYDEN打完針第六日發燒呀~~~~38度幾,100.3度,其實都唔算超高燒,不過緊係唔可以去人多地方啦

 

尋日星期六已經有少少燒,所以HAYDEN媽同HAYDEN全日除咗去婆婆屋企食飯就留係自己屋企

 

今日又係咁...

 

MOTHER'S DAY---HAYDEN媽都係要餵奶,要換片,要幫HAYDEN換床單...

 

不過,覺得又冇乜所以謂...

 

其實,靜靜地同HAYDEN係屋企玩都唔錯

 

原來MOTHER'S DAY唔需要咩嘢節目靜靜地都開心

 

睇住HAYDEN小小無聊嘅動作,HAYDEN媽都會因此而笑...

 

最想收到嘅母親節禮物係由HAYDEN整嘅卡或小手工...HAYDEN媽等緊HAYDEN返咗學後嘅MOTHER'S DAY,希望有驚喜啦

 

DINNER,HAYDEN爸自己出去同嬤嬤食,HAYDEN媽就帶HAYDEN去婆婆家叫外賣,係SHAKEY'S PIZZA...

 

未收到HAYDEN出品嘅母親節禮物,但係有另外嘅驚喜...係屋企嘅得力助手AUNTY GRACE送比HAYDEN媽嘅花~~~~婆婆都有一束~~~~THANK YOU

 

HAPPY MOTHER'S DAY...

恭喜恭喜~

恭喜ADA和JONES HAPPY WEDDING~

HAYDEN媽今日請假做姊妹~

 

其實HAYDEN媽之前都係做過一次姊妹同一次伴娘

因為對新人3月已經註咗冊,所以今日嘅行程係女家-->男家-->女家(兄弟姊妹去飲茶)-->酒店-->酒樓

 

朋友結婚,點都會睇下自己結婚時嘅嘢有咩啱用,最後揀咗不太誇張嘅耳環和手鏈,仲有對HIGH-HEELS (以前勁多ACCESSORIES嘅HAYDEN媽,依家已經好少戴喇,驚整親HAYDEN又驚佢扯斷,HIGH-HEELS就真係冇著好耐喇...今日著咗一日簡直想攞命,最後要CALL的歸家)

 

講返今次兄弟姊妹,好多都結咗婚喇...姊妹團最細都79年出世, 即係都30 OR PLUS

 

而HAYDEN媽同PEGGY就係媽媽級嘅姊妹

 

玩新郎用咗好短時間呀,鬼咩,新郎同兄弟們遲咗接新娘,好奸...都唔知係咪唔想玩咁多GAMES~

中午我哋去飲茶,TOPIC好多都係講下湊仔經,有一個兄弟個仔7個月大,佢都有買DISNEYLAND嘅ANNUAL PASS,大家都傾下去邊度玩去邊度換片好...KAKAAA

 

去到酒店,一對新人去影相,我哋又自拍,姊妹加最右邊嘅伴娘

 

成班兄弟結晒婚得個伴郎(右二)未結婚,聽說...佢大大話話做咗成廿次伴郎+兄弟喎~

 

從另外一個角度影今次嘅伴娘姊妹

 

兩個陳太生咗鼠年仔仔嘅英文名都係"H"字

 

4點多去到酒樓幫手,個場有海景,喺HAYDEN媽公司附近

 

嚟個係ADA家姐,都係以前跳BALLET時識架...佢依家係CANADA住,剛剛有咗3個月,真好呢,佢哋會有一年產假,有50%人工...勁羨慕呢~

 

好次冇乜同新娘影相...嚟張姊妹+伴娘+MC合照...新娘件婚紗好靚呀

 

勁開心...話說因為今日做姊妹要早起又要自己化妝,SET頭,所以放咗HAYDEN喺婆婆屋企瞓...冇件HAYDEN成日當然想抱下佢同佢玩...

點知ADA有個親戚個仔行過,勁得意,7個月大..掛仔成狂嘅HAYDEN媽唔嚟咁多抱住人哋個仔玩下先

 

11點5...散席喇...影張便服照就要講BYE BYE

 

" ADA, JONES,

祝你哋連生貴子,快啲生返個BB等我同PEGGY個仔可以多個FRIEND一齊玩

FM HERMIE WITH LOVE"

 

就係呢段說話寫咗係張PRECIOUS MOMENT嘅心意卡上面而被抽中...

THANK YOU FOR THE GIFT, IT'S A COFFEE MUG FROM STARBUCKS~

 

 祝ADA同JONES係瑞士玩得開心啲...兩人去,三人返 (唔係左眼見到嗰啲喎)

唔知道其他BB會唔會咁玩~

HAYDEN好鍾意將啲圓形嘅物件玩到好似要"落西"咁

 

佢成日都好專心咁去轉個物件再睇住佢轉~

 

 

 

 

5月5日 (一)

今日放咗工帶HAYDEN去醫生度打一歲針

 

兩頭望,好似唔係好知咩嘢事咁喎

 

真係後悔當初唔帶HAYDEN去仁安打針,成日諗住近啲揾區內嘅兒科醫生打針...亦因為嚟個係區內數一數二嘅兒科醫生,往往要等上好幾小時先輪到,今日WEEKDAY算好喇, APPOINTMENT係6:45PM我哋7:50PM有得入醫生房喇

 

再一次証明HAYDEN大個仔識得驚...佢入到醫生房已經有不安嘅眼神,醫生檢查佢喉嚨時極力反抗又喊,到醫生拎住支針時佢喊得仲犀利,但一打完佢又唔喊喇,所以佢應該係恐懼而唔係怕痛...之前打針冇試過喊架,打咗都唔知嗰隻...唉~今次醫生只係幫佢打咗MMR,一個月後要返嚟打肺鏈...到時又要同佢搏鬥...

醫生話打完嚟支針可能會4,5日後先發燒,希望如果發燒就WEEKEND前啦~

 

5月5日 (二)

HAYDEN同舅父一個向左一個向右

 

遲來的生日禮物,舅父從紐西蘭訂自己嘅衫時見到有INFANT嘅SIZE,所以就送比HAYDEN做生日禮物...不過間SHOP寄錯地址RETURN之後再寄就攪到咁遲先收到 (一貫紐西蘭人嘅作風;手腳慢又做錯嘢)

 

真係好舅父嘅STYLE---ROCK

 

其實張CARSEAT都係最近先由舅父送比HAYDEN做出世禮物,因為HAYDEN媽睇咗成年心大心細買唔買有ISO-FIX嘅CARSEAT,因為我哋要WEEKDAY就裝喺公公架車度,WEEKEND就裝喺我哋架車度,有ISO-FIX又好似方便啲,不過最後HAYDEN媽覺得冇ISO-FIX都可以5MIN內裝好, 咁就唔駛比多千幾二千去買張有ISO-FIX嘅CARSEAT喇~

5月1日 (五)

原本今日要參加譽承生日會,但係朝早收到JACKIE SMS話譽承發高燒要入急証室而取消...

原本今日諗住帶HAYDEN去打一歲針最後HAYDEN嘅瞓覺時間SWAP咗所以取消了

最後得到休息一天

但係,我哋4點打算出街喇~

(好慘嘅HAYDEN,因為尋日帶咗一陣MASK侷都面仔紅咗)

 

架車側面冇太陽擋,太曬所以帶帽 (HAYDEN竟然肯帶住一程車嘅時間)

 

我哋去CITYWALK呀,嚟緊要去生日PARTY未買禮物,所以去張羅一下...KEKEE

 

當然HAYDEN都有收鑊啦~

 

HAYDEN媽買咗條改良版X型孭帶,之前嗰條可能會界都BB嘅大肶,嚟條新版喺肶位加咗兩個CUSHION, 所以買條試下~

 

好攪笑呢~今日喺cotton candy揀緊禮物時,竟然有兩個未見過嘅女孩子認得HAYDEN媽同HAYDEN...原來一個係朋友嘅朋友,可能因為我喺朋友嘅BLOG留言而認識我們吧...另外一位就有睇過我嘅BLOG...KAKAA...以後出街唔可以著到好似烏鴉咁喇

(DINNER返屋企後知道香港有豬流感確診個案喇...小心小心)

 

5月2日 (六)

HAYDEN起身後有新玩具睇(only),已經拆咗一部份生日禮物玩架喇,不過驚全部拆晒冇新鮮感...所以比HAYDEN睇住先啦

 

下晝要上幼潛,今日要考試呀...7人班入面得4個同學仔有嚟咋

不過個馬姨姨話照影畢業照喎...

 

傳說中嘅馬姨姨

 

下堂係最後一堂喇...因為上個星期黃雨停課,嚟緊一堂係補課...不過撞正AUDREY生日會,我諗好多同學仔都唔去~

上完堂我哋唔周圍去喇,TST都好多人,又逼,好容易傳播細菌...不過HAYDEN爸照去打波,公公婆婆就接HAYDEN媽同HAYDEN走...

HAYDEN一上到車就瞓喇

 

我哋等HAYDEN瞓醒要出去掃貨呀...掃乜? 咪防菌同殺菌嘅用品囉,即係消毒噴霧同追加MASK...

 

5月3日 (日)

少有10AM我哋出街喇

今朝我哋去MY MUSIKBOX 上TRIAL CLASS...

其實HAYDEN上得都開心,因為好多發聲嘅樂器比佢玩,有唱遊又有STORY TIME(其實係比小朋友認識英文生字)...PITY嘅係HAYDEN未適行,一齊MARCHING時我要抱住佢...

老師係NATIVE ENGLISH SPEAKER...識幾句中文嘅CHINESE

嚟度只可以一位家長陪BB上堂

嚟個係FOR 12-24MONTHS嘅小朋友嘅班, 其他小朋友識行有啲識講啲英文...HAYDEN係最細所以係都傻傻哋咁爬~

HAYDEN媽當然唔報住啦,都係等HAYDEN識行先報

 

跟住我哋要趕去程程嘅生日會喇...由公公車我哋去

 

個CLUBHOUSE有無敵大海景架

 

HAYDEN去到仲瞓緊

 

嚟個就係壽星女程程喇~

 

好彩HAYDEN瞓咗一陣就起身

 

程程媽預備咗啲發聲玩具比小朋友玩

 

HAYDEN緊係玩得好開心啦

 

最後係CUT CAKE 時間

 

2個FAMILIES影張合照先 (唔見咗程程嘅哥哥JUSTIN嘅~~~)

 

HAPPY BIRTHDAY TO 程程...

 

HAYDEN今日要去跟進斜視, Hayden媽冇請假由公公婆婆帶Hayden去。之前諗緊咁嘅時勢去唔去睇好,最後梁粉媽話依家唔去爆發豬流感時有排唔去得,所以finally都係做足準備去

驚訝HAYDEN肯戴mask~

 

不過唔知係咪太焗夜晚塊面敏感紅咗...

講起豬流感,HAYDEN媽都好緊張...因為美國有個23個月大既BB因染到豬流感而死~

個人認為少啲走圍去人多擠迫既地方會少啲機會染到,即係都係同HAYDEN少出街為妙

巧合地,Hayden媽同Jeffery媽今日下午都因為喉嚨痛請半晝sick leave去醫生,我哋6日前見過...唔知我哋係咪咁啱一齊病呢~ 心想: 唔會係我哋一齊去迪士尼時中招掛

Hayden一家一早出咗機票5月底去Singapore,雖然Hayden媽既朋友因喪父未能如期擺酒,但係我哋都可以on schedule去同主人家食餐飯順便去探Hayden舅公一家,可是最近豬流感擴散,我哋係咪應該取消此旅程呢~Hayden媽已經問咗airline,我哋一家3口退票既penalty係$1500...acceptable啦...我哋再多個禮拜先算啦~