| Hermie's profile陳B媽~PhotosBlogLists |  Tools  Help |
9月26日 (六) 黑色世界攞完a-kinder嘅application form之後,一直喺屋企休息再休息... 到5點帶HAYDEN去婆婆屋企之後HAYDEN媽就同HAYDEN爸慶祝生日... 我哋又去巡視我哋有份投資嘅樂園呀
因為依家有好多鬼屋係唔啱HAYDEN玩,而HAYDEN媽只係玩過海水公園嘅HELLO喂而未玩過迪迪尼嘅黑色世界...所以就趁HAYDEN爸今天生日去玩下囉~
門口已經有好大個JACK & SALLY喇~
進場時每人一把JACK頭紙扇
喺黑嘅地方會見到螢光JACK頭
看似每一似進場都見到用花砌嘅MICKEY頭
因為
MICKEY & MINNIE著上
JACK頭無處不在
黃昏嘅天色之下嘅城堡 (因為
好喇...我哋第一個玩嘅遊戲就係SPACE MOUNTAIN... 又係加咗 有警告話係2A級喎... 攪到HAYDEN媽諗..."會有啲驚嗎~"
原來...當入去吹吹風囉 (其實平時同HAYDEN嚟迪迪尼都冇機會玩SPACE MOUNTAIN)
跟住就係去呢間鬼屋喇...
HAYDEN媽以前去海水公園時玩鬼屋嚇到癲咗...所以以後到拒絕再帶頭 even行中間都好alert...因為啲鬼鬼會喺後面返轉頭嚇人...真係交足戲架!!!!
叫完之後又即刻去呢度喇~
真係嚇C咗呀~
唔得~要回一回氣,去下平時同HAYDEN去唔到嘅泰山樹屋... RELAX~
行到攰劫地...走入去3D米奇幻想曲度休息下,又係好耐冇visit呢度喇...因為...HAYDEN驚囉...一啲都唔恐怖,但係小朋友嘅嘢好難明...
7:45PM有 又係主角JACK
PARADE一散,我哋即刻走去馳車天地 嘩,好少有...門口寫住只係排15min... 其實入到去都唔駛點排... YEAH...遊下夜車河 當然唔同HAYDEN爸一架啦 自己揸先好玩架嘛
爽~~~~
之後,諗住玩埋最後一個鬼屋,點知道門口寫話要LINE UP 1小時 嘩,一來HAYDEN媽今天嚇夠,二來HAYDEN爸好怕排隊等 SO,我哋放棄~
then...巡例都要去shop睇下嘢 本來想買呢頂
最後都冇買...影張相算了
9點...烟花時間...
睇完9點幾... 未返歸住...
簡簡單單...都要同HAYDEN爸食餐飯仔celebrate 生日嘅 咁夜...HAYDEN媽當然一早book定去呢度食啦
因為都夜喇,我哋好想快啲返去接HAYDEN,食唔夠一個小時我哋就走喇... 返到屋企剛好11PM
好EXHAUSTED呀~ 由今朝唔夠6AM起身幫HAYDEN排隊攞form... 玩到成11點... 老了...HAYDEN媽覺得好攰呀~
9月26日 (六) 排隊攞表大日子
雖然呢日係hayden爸生日,
但係因為要幫hayden攞a-kinder嘅pre nursery application form, 所以個心都只係重複諗"幾點排隊好呢"
天開始光
hayden爸媽就要起身準備去攞表
6點三,我哋出發喇~ 同行仲有hayden媽住同一個屋苑嘅中學同學sammy 佢女女又係08年出世,所以我哋一齊去攞表
6點半, 先車hayden爸到達a-kinder嘅正校 心諗: 會唔會排頭位呢 見到嘅係--->已經有一細條隊係度
跟住hayden媽就漫漫咁同hailey媽(即sammy)去麥當當買早餐諗住去分校排住食 心諗: 分校喺荒山野嶺,唔會有咁多人排啩
點知6:50am去到見到----
有好多櫈仔係度喎... 本來諗住7:30am先去嘅hayden媽慶幸最後同hailey媽決定6點幾就出發
7:50am已經去到路口
8:05am見唔夠一小時就開始派表輕鬆自拍 (我哋坐晒係路邊傾計)
8:40am仲有20min到派表時間,條隊已經轉咗落山睇唔到~
9點正開門大吉.... hayden張form number 係#12
每人其實可以買兩張表 hayden媽都買咗兩張...kekkee.. 因為hayden媽個朋友(who is 老師 @ z-kinder) 叫hayden媽幫佢攞埋... 身為z-kinder嘅老師倒自己學校米...hayden媽笑佢小心比z-kinder嘅校長發現
填完form交晒文件之後就順便參觀校舍 雖然hayden媽都帶過hayden去上playgroup 但係唔係每一處都睇過
toilet就係一個例子~~~ for boys (個toilet都好open喎....kakkaaa)
for girls
library
小花園
電腦室
都差唔多十點...要去分校meet up hayden爸喇~~~ 臨走時偷望派到幾多號... at the moment, that is #104
hayden爸喺正校又攞到幾多號呢?????
答案係#16
呢度條隊都係好誇張 聽說...有個公公or爺爺半夜3點幾就到咗a-kinder正校門口,但係見唔到門口有人,所以走開咗,後尾回頭見有人排咗喺度(佢係四點幾來),佢先去排第二... 跟住啲人陸陸續續咁嚟...
其實好想知道hayden爸喺正校咩嘢情況 幸得一個blogger提供相片一張,係佢hubby排隊時影低,龍尾十分長...好似過咗街尾 發現...
hayden爸就冇乜特別, as expected, 打機... hayden媽仲發現另外一個blogger chloe...佢個姨甥仔qq係hayden喺z-kinder上playgroup嘅同學仔嚟架~ 真係好熱鬧呢...hayden媽身邊幾個朋友仔都報a-kinder,希望大家可以做同學仔啦...加油呀!!!
hayden媽喺正校交埋表就走喇...當時都係十點九...
hayden爸今日生日,hayden媽問佢有乜想做 "緊係返屋企唞下啦..." good idea~反正我哋黃昏打後有節目,唔唞下真係頂唔住~
返到屋企...hayden都係起咗身個幾鐘
傻下傻下...佢都唔知hayden爸媽剛才出咗去做乜...
anyways,希望你真係可以開開心心咁係a-kinder返學啦~ p.s. 11月底interview 9月26日 (六) happy birthday祝HAYDEN爸生日快樂
(用MOUSE去畫畫真係有啲難度) 阿仔快樂所以我哋快樂...講咁多都係為咗介紹我哋今日嘅第一個節目 去 A KINDERGARTEN攞入學申請表 9點開始派表我哋會幾點去呢 由於我哋會報晒分校同正校...我哋要分頭行事...希望革命成功! 注: 9月22日 (二) HAYDEN媽病了幾時都唔可以睇少小朋友嘅病菌 HAYDEN媽對HAYDEN當然冇防範,因此好容易咁中召了
又要去股神四叔醫院睇病...
EEEE....即係我哋都有比錢佢去炒股喎 公公,婆婆,舅父,HAYDEN媽同HAYDEN都係佢嘅客仔 咁下次如果佢個千億新抱生到仔的話,可唔可以比埋利是我哋呢~~~(妄想,食得多藥上惱...KAKAKA)
今日都好多人睇症,有80%都係睇流感...唔怪之得依家係流感高峯期
HAYDEN媽喺醫院前後逗留咗1個小時50分鐘 悶到發瘋...
周圍睇下又自拍下
依然係好多大陸人來呢度生仔 仲要買埋打針package,佢哋真係成日都來香港架喎
講番HAYDEN媽病情 低燒所以唔駛去驗
HAYDEN媽係甲型流感,依家好潮好in嗰隻,但未升呢做
祝大家身體健康! 9月21日 (一) playgroup @ A KINDERGARTEN (2)呢個playgroup係weekdays舉行嘅關係,今堂開始HAYDEN由婆婆帶去上堂 (以下照片由婆婆提供)
上堂係第一堂嘅關係好多媽媽都親身帶小朋友去上堂 今堂好多小朋友都係由姐姐/婆婆/嫲嫲帶
今堂嘅story time改咗去library,可惜婆婆無機會影相
artwork係做---帽,由婆婆design嘅帽有ribbon比較fancy
再一次証明HAYDED個頭係大 全班同學都啱戴呢頂帽,even兩歲嘅小朋友都啱戴 但係HAYDEN就好似細咗啲 唔怪之得佢唔多願意戴啦..HAHAAA
到最後又係去playgroup玩,HAYDEN對紅色車車情有獨鍾,HAYDEN次次都揀坐上呢架車,HAYDEN媽都分唔清呢架係TAXI 定 FIRE ENGINE
婆婆勉強叫到HAYDEN試下其他車,不過看似興趣不大
花邊新聞: 之前睇壹週刊訪問玩具大王個女蔡X敏,佢話有可能會比個女(0805嘅BB嚟架)喺佢媽媽做校監嘅幼稚園(即A KINDEGARTEN)度讀,原來佢講真架...婆婆話蔡X敏真係帶個女來上playgroup(即HAYDEN嘅同學 9月20日 (日) HAYDEN媽閃咗出街其他家長唔好學呀 HAYDEN媽知道HAYDEN病,當然要佢full day係屋企休息啦 AUNTY FIC返咗來都兩個幾星期,HAYDEN媽呢個SHOPPER都未陪佢去SHOP過... 問下HAYDEN爸,一個人可以handle到HAYDEN嗎? "無問題,佢都係食咗藥瞓覺架啦" (哈哈,結果係HAYDEN玩HAYDEN爸呀,好似食咗興奮藥咁唔肯瞓...老虎都可以打死幾隻,等HAYDEN爸仲諗住HAYDEN瞓左佢可以打機,點知冇機會呀
OKAY,HAYDEN媽餵完粥仔餵埋藥3點幾出去 老實講...真係好耐好耐冇試過星期日自己出咗街...
AUNTY FIC都唔敢帶晒兩個小朋友出街...行街,當然係揀帶個女去啦~
AUNTY FIC 點名要去COTTON CANDY,NO PROBLEM啦...HAYDEN媽又可以幫HAYDEN添啲秋裝...heheee
女仔真係唔同呢...去行街時唔扭計仲學大人去揭衫
揀衫揀到去新貨堆之中...女人本性~
雖然COTTON CANDY賣嘅主要都係女孩子衫,不過HAYDEN媽誓要買到嘢比HAYDEN先冇咁guilty
係COTTON CANDY掃完之後周圍行行行... 彤彤有啲餓食住麵包先
到最後HAYDEN媽要食埋dinner先返歸 好耐冇試過掉低佢兩仔爺喇... 可憐HAYDEN爸又餓又攰...kaaaaka... 打包一哥焗豬當慰勞一下...お疲れ様でした～ 9月19日 (六) HAYDEN病了真係唔知關唔關返playgroup事 唔知點解HAYDEN生病了...慘慘...
星期六零晨3點幾HAYDEN喊醒 個身有啲熱幫佢量體溫38點幾度,所以餵佢食退燒水...但係佢竟然唔肯瞓,到差唔多早上6點先瞓,大人小朋友都攰到爆 本來今朝要去攞回港証到去唔到~
10點幾起身,仲發緊燒喎...即刻BOOK仁安嘅DR. CHU...要三點八先有位,咁唯有比佢食多次退燒水... 佢係屋企又唔似病喎...周圍走,係塊面仔紅啲
但係佢嘅情況越徠越差,個身好熱有好蚊憎 去到仁安一探熱真係嚇死,已經燒到39.6度,HAYDEN未試過咁高溫架...即係103度多啲喇喎 因為高燒所以好快就有得睇,DR CHU話係甲型流感,HAYDEN鼻仔入面同喉嚨都腫晒 問醫生佢會唔會係豬仔流感,佢話唔肯定,都係一個名only... 咁我哋問佢駛唔駛入院,佢又話冇乜必要住 因為HAYDEN氣管都好清,如果好呆同埋食咗佢開嘅退燒藥都唔退先要入院 佢話就算入院如果驗到係豬仔都要轉介去政府醫院,私家係唔收豬仔病人... in case 真係要入仁安,佢叫我哋可以話比急症知睇開DR CHU...佢話佢住得好近可以好快到醫院 聽落真係好驚 X n倍 睇完跟住DR CHU就叫護士幫HAYDEN塞pat pat退燒藥 HAYDEN喊得好犀利,成個診所都聽到...我諗佢一定好辛苦 可能佢好攰...返屋企途中瞓咗...瞓覺時出咗好多汗,返到屋企奇蹟地好咗好多 THANKS GOD~ 成晚都係低燒...精神都OKAY...只係要成日瞓,可能啲藥發揮作用吧~
(HAYDEN依家冇晒燒喇...唔駛擔心)
題外話:我諗上次去兒科個磅一定係壞,今日去磅重HAYDEN足12KG喎... Playgroup at A KINDERGARTENHAYDEN又開始返playgroup喇 今次係去A KINDERGARTEN上playgroup 先要贊一贊A KINDERGARTEN同家長嘅聯繫好好 HAYDEN本來第一堂嘅playgroup正係巨爵打到嚟之日
10:15am天文台話會掛3號波 負責老師10:59am就打電話通知
HAYDEN媽行開咗所以呢個係miss call...當HAYDEN媽睇到miss call時都估到係幼稚園打來,但HAYDEN媽係想知道佢哋嘅處事作風,所以冇回電話...等到...
半個鐘頭後佢哋個負責老師MS. KATIE又打來,今次HAYDEN媽接電話,佢真係通知下午playgroup取消,make up class會上堂時通知安排 good good...佢哋嘅response令家長都放心比小朋友喺度讀書
好喇,隔咗兩日冇打風可以真真正正去上playgroup
佢哋嘅基本衛生防護都做到,每人入幼稚園要探熱,要用消毒液洗手~ 1.5小時入面有好多時間都係喺呢個music room度上堂.mainly係MS. KATIE以英語做主導,中場會有個普通話老師帶領1 PART唱遊&STORY TIME
HAYDEN去到新環境初時有點陌生,不過唔夠一分鍾就周圍走
撞到個Z KINDERGARTEN嘅同學仔,佢哋又係轉過嚟上playgroup
喺music room唱下歌,跳下舞,聽下故仔就去art room度玩...
今日教小朋友要幫媽媽hang up啲washed clothes, 所以HAYDEN嘅artwork就係colour the pants跟住就hang up on the string
到最後個part當然會去playground度玩
被困了
taxi driver?
似模似樣架
以後就每個week兩堂,每堂1.5小時... HAYDEN媽下堂開始要返工唔可以陪HAYDEN去上playgroup...残念～
除咗撞到以前上Z KINDERGARTEN嘅同學仔之外,仲見到一個最初帶Z KINDERGARTEN嘅香港人老師MS. LI... 好surprised呢...佢真係好好架...當初覺得可以繼續喺Z KINDERGARTEN度上都係因為呢個老師,不過佢第三堂之後就失蹤了...原來跳槽來咗A KINDERGARTEN
上完playgroup嘅第二日,HAYDEN媽喺Z KINDERGARTEN做嘅朋友打電話來,話MS. LI尋晚已經話咗佢知HAYDEN轉咗喺A KINDERGARTEN上堂 聽佢講完對A KINDERGARTEN更加心儀... ~MS. LI 分別喺兩間幼稚園教過,佢話因為校監係玩具大王個老婆(太有錢),所以幼稚園資源十分充足,可以有學費DOUBLE嘅RETURN... ~6月豬流感爆發,學校無條件refund plaYgroup學費,而幼稚園學費只收一半作基本開支之用, A KINDERGARTEN為學生設想而家長又唔駛白白咁比錢 ~A KINDERGARTEN嘅衛生措施比Z KINDERARTEN好,進入Z KINDERGARTEN係唔需要量體溫,上個月Z KINDERGARTEN有好多小朋友因流感而請病假,一班入面有3份2病咗,校長因為驚家長唔比學費,所以拒絕停課...嘩,咁樣攪真係唔理小朋友生死
咁點解仲咁多人去Z KINDERGARTEN度讀書? 原來佢哋有個老師之前喺區內嘅傳統有名小學做助教,依家佢比好多意見Z KINDERGARTEN去跟住區內傳統有名小學嘅syllabus去教學,就算畢業生抽獎去唔到嗰間小學,自行派位or叩門都有好大機會入到...そうですね～
ANYWAYS,好快就係A KINDERGARTEN派表之日,HAYDEN媽上playgroup時再問front desk, 上午班得28個位,想讀到上午班就要攞到頭number,interview過後就係睇呢個number去揀上下午班...好緊張呀...HAYDEN媽上個星期發過夢攞到number 25,好驚險呀~
終於影咗passport photo for 回港証&回鄉卡...
好似都係自己影好啲... 不過攞証件都係揾街舖嘅人影會知道証件相嘅requirement~ 9月13日 (日) 短聚 @ hayden's home大家都帶住小朋友 住得近嘅話最好就係home gathering 唔駛約定時間 小朋友nap完先通知對方 成事...
3隻小豬 @ hayden's home
大豬 亞歷山大 2006.oct.12
中豬 彤彤 2008.apr.22
小豬 hayden 2008.apr.23
3隻小豬雖然暫時都係雞同鴨講 但係hayden媽相信,當他們仨都上學後 佢哋可以用english or mandarin溝通
語言未能共通時,行動都可以證明...做乜可以令兩個唔同channel嘅男孩子咁留心?
it's thomas..."hello thomas" (有睇過thomas嘅人都知道呢句係開場對白
女孩子呢? 都是靜靜地看書吧 (one moment only
時間關係,今日星期日我哋又要趕去嫲嫲屋企食晚飯喇 最後來個大合照 3個由form 1開始識嘅少女 (past tense please...) with 3隻小豬
9月12日 (六) 休閒的星期六唔駛上playgroup嘅星期六,我哋一家又出動出去早餐...kekeeee 因為去近近地嘅火車站隔離嘅"大兜樂"(HAYDEN媽去嘆番杯放假先飲嘅奶茶),我哋坐shuttle bus咋~ 原來,平時冇乜機會坐shuttle bus嘅HAYDEN係驚坐shuttle bus架~~~
佢好緊張一上車就哎... 睇嚟都要帶多啲佢搭shuttle bus 如果唔係第時返學要坐褓母車就大鑊
大人食早親小朋友睇書~~~
順便去快x美影回港証/回鄉卡嘅証件相 點知個阿姐完全冇technique可言...最後refund番$45比我哋...下次試第二間快x美~
返到屋企先係中午....HAYDEN又開始攪攪陣
玩鼓係正常事...
但係攞支鼓棍去撩牙就有啲那個~~~
去開櫃桶攞嘢
玩厭就去玩玩具枱
第一次開封嘅水筆畫...唔怕整污糟 THANKS 程程媽送比HAYDEN嘅BDAY禮物
玩到冇嘢玩就望街 HAYDEN: 我想出街呀~~~~
HAYDEN媽見好天,下晝HAYDEN爸又唔駛去打波... 咁...就去巡視下業務啦
真係冇之前咁熱喇~ 不過背心短褲一定係HAYDEN嘅裝備...因為HAYDEN要去玩水嘛~~~
可能早上仲落緊要...下午嘅迪迪尼好少人...天氣好又唔熱,冇揀錯日子入嚟~
唔好講笑,入到來成3點幾都未食lunch...緊係要去fuel up先有energy架嘛 我哋第一次去plaza inn咋...佢哋其實係美心集團嚟架 聽papa講都係一般美心價,冇mark up...食得太多次corner cafe所以今日試呢間
叫咗叉燒包同一個二人套餐,annual pass仲有8折
食飽去玩喇~今個月HAYDEN爸生日,annual pass holder有份magical fast pass比壽星,我哋攞咗兩張去玩pooh~~~~
排緊隊上pooh嘅honey mug時好彩HAYDEN都肯自己企定定
開始~已經發呆有啲驚
中途...恐慌...冇得走
睇真啲...HAYDEN攬到HAYDEN媽實一實...HAYDEN爸就繼續做佢嘅camara man
玩完...其實一啲都唔驚險刺激...唔知驚乜
跟住去玩marry-go-round...好浪漫呀...HAYDEN媽同HAYDEN騎一隻馬~
騎完馬仔就去玩水...就快深秋冇得玩架喇~ READY...
"試下啲水啱唔啱溫度先~"
水柱比HAYDEN還要高
"可以做洗頭水/沐浴露/止汗劑代言人嗎..."
BYE BYE SUMMER...一於玩到濕晒先走~
得咗...濕晒
去nursery room換過件衫抹下身又係一條好漢
轉過來又影響咗迪迪尼嘅美景
就嚟係halloween嘅關係...迪迪尼周圍都有萬聖節嘅decoration
我哋離開迪迪尼時都快天黑喇
不過我哋未走喎...kakaaa. 因為我哋要去揾又係姓陳嘅一家三口... "嘩...好靚呀..."
呢個位又真係好靚...
HADRIAN一家喺DISNEY HOTEL住一晚...我哋順便嚟見見面
hadrian: 你邊位
hayden: 我同你個名好似架喎...小朋友
hayden: 睇你都唔知我講乜! 我叫chan hei xxxx, 你又叫chan hei xx...我同你個英文名都係"h"字頭架~
影咗一陣相之後我哋就走lu... HAYDEN媽揀幼兒園9月---有書讀嘅小朋友都開咗學 對於來年要返學嘅小朋友嘅家長,9月係報學校嘅開始... HAYDEN來年要讀幼兒園了,HAYDEN媽呢個9月都要忙住去做RESEARCH同埋報名 其實,都有一間心中區內心儀嘅學校,但係,又衰八下八下...又心多多去睇下其他幼兒園 HAYDEN媽有3寶去知多啲幼兒園嘅資料: 1. 幼稚園及幼稚園暨幼兒中心概覽 <--可以CLICK入 (佢哋剛剛UPDATE咗最新學年嘅資料, HAYDEN媽密密睇)
2. 天書 (由幼兒園到幼稚園到小學18區都睇
3. BK FORUM (依家反而唔會去0804, 0805嗰度CHAT,多數去區內FORUM,同幼兒園FORUM度睇睇)
除咗RESEARCH, 跟住就要TAKE ACTION...又要有準備喎... 大量回郵信封,選定數間學校資料同視學報告然後PRINT OUT, 最緊要係攞報名表,未有嘅就要MARK低派表日期
貪得意嘅HAYDEN媽幫HAYDEN報咗一間九龍塘鴨仔幼兒園...HAYDEN媽知道如果呢間有得INTERVIEW,應該會安排喺心儀嘅A KINDERGARTEN之前, 咁HAYDEN可以當呢次係REHEARSAL,同時又可以參觀下第啲幼稚園嘅校舍... 不過呢間鴨仔幼兒園都幾mean...HAYDEN媽上惘見到佢哋個website話學位已滿,HAYDEN媽打電話去問係咪滿咗,佢哋即刻問小朋友邊年邊個月份出世,HAYDEN媽話08年4月,咁佢即刻話有少少學位剩快啲交表...HAYDEN媽估佢哋都prefer見多啲大仔啩... 其實HAYDEN可能注定都係做鄉下仔唔會出城讀書,kakaa...好似HAYDEN媽當年一樣,婆婆都有幫HAYDEN媽報九龍塘真X幼稚園,收咗HAYDEN媽但係婆婆唔想HAYDEN媽咁細個搭咁遠校車,所以放棄咗...HAYDEN媽就繼續做佢嘅鄉下妹喇...
執嘢時,發現本"學前教育"入面有介紹心儀嘅A KINDERGARTEN...見到幾個小朋友著校服嘅相,真係想key HAYDEN個頭上去睇下係咩嘢樣...hehehee
9月8日 (二) 假-內-斜-視其實HAYDEN一直都有去兒科眼科跟進懷疑斜視嘅問題.. 每一次檢查結果都係"繼續跟進" HAYDEN媽見冇乜further advice就只好繼續3/4個月見一次兒科眼科...
最近,有朋友嘅朋友無意間發現HAYDEN媽個blog,一睇HAYDEN嘅相片就advise HAYDEN媽帶HAYDEN去做vision test, 因為佢身邊有小朋友因斜視要去做手術... HAYDEN媽聽到都有啲擔心,所以就立即打去介紹嘅POLYU入面嘅OPTOMETRY DEPARTMENT度做vision test...嘩,原來佢哋嘅appointment都幾爆,如果要星期六嘅appointment嘅話要排到10月, weekdays嘅就可以早啲...
HAYDEN媽見POLYU喺office隔離,咁就約咗今日5點(老闆唔係度早啲走),叫公公婆婆帶HAYDEN出嚟... 佢哋有一個section係專為小朋友而設,所以有好多小朋友書本同枱櫈比小朋友用
之前睇兒科眼科嘅驗光師話因為HAYDEN未識講嘢,所以好難去確認HAYDEN有冇斜視
但係POLYU呢度就說明佢哋有足夠嘅器材為好細嘅BB做vision test都可以...
佢哋做咗啲乜嘢test呢? 都係用啲圖畫卡比HAYDEN望,然後係旁邊觀察同量度眼球嘅指數... 話咗有足夠嘅器材為小朋友而設,基本需要係有DVD播放,驗光師姐姐播咗BARNEY比HAYDEN睇,HAYDEN睇到眼珠都唔郁...仲睇到拍手忝~不過,當驗光師姐姐蓋住佢一邊眼嘅時後佢就唔多歡喜,用手推開驗光師姐姐嘅嘅手... CHECK完嘅結果係: 假內斜視 因為HAYDEN個鼻骨唔夠挺,眼珠又細,所以有假象佢係內斜視 驗光師姐姐話大啲個鼻骨生長好個假內斜視就會消失 另外,兩隻眼都有150度遠視,對16個月大嘅小朋友係正常,因為佢哋嘅眼球未完全發展好 兩隻眼分別有75 & 150度嘅散光,問題唔大,可繼續跟進 半年後可以再去做vision test
放心了... 9月7日 (一) 星期一的約會星期一...以HAYDEN媽嘅習慣係勁少有約會... 不過,AUNTY FIC已經回港3天了,我哋都未見過面呀...因為星期六又RESERVE咗比HAYDEN爸&FRIENDS,星期日HAYDEN媽有啲唔舒服兼要去嫲嫲度食晚飯... WEEKEND咁就冇咗,唯有星期一啦... 有小朋友3個,HAYDEN媽又要要返工,大家又住得近,所以最好嘅地方就係婆婆屋企食dinner... 只係識德文同少少廣東話嘅兩兄妹--- 阿歷山大 & 彤彤, 係時候學"煲冬瓜" & 英文
因為,今次佢哋回港係過度性質...下月初佢地要跟爸爸去做嘢STATION當地幾年... 係邊? 過咗之後無艇搭嘅地方 (超爛GAG..
都好...兩個小朋友去嗰邊學普通話同英文起碼可以同HAYDEN溝通得到...
冇見7個月嘅彤彤瘦咗又靚咗...佢大HAYDEN 1日架,當初同AUNTY FIC都PLAN要生BB但係冇諗過咁啱兩個小朋友只係相差一日大~
HAYDEN張龍座,好似第一次比其他人坐
彤彤,唔駛眼望望喇...HAYDEN welcome你一齊玩架~
轉咗位置又再望望~
HAYDEN: 彤彤,一齊過嚟攞晒啲碟出嚟吖...好好玩架~
彤彤: 我都係坐埋一邊睇你比媽媽鬧
一場嚟到緊係要演奏一曲二重奏~
今次嘅聚會雖短但HAYDEN媽有兩大發現: 1. HAYDEN原來會呷醋架,HAYDEN媽同公公都試過去抱彤彤時,HAYDEN會表示不滿... 2. HAYDEN玩煮飯仔扮"筆"嘢食時,佢突然"筆"埋餵比彤彤食...so sweet...
原來,有小朋友嘅gatheting會發現多啲平時唔知道嘅嘢...睇嚟HAYDEN都要約多朋友仔出嚟玩先得喇... 仲有呀...我發現HAYDEN有啲小霸王呀...阿歷山大玩緊HAYDEN嘅THOMAS車車時,HAYDEN一發現就搶番嚟... 9月5日 (六) 慶祝9月雙爸生日因為ZEE KINDERGARTEN嘅playgroup又full咗 (佢哋offer個位比HAYDEN時仲未足齡,依家足齡可以上嘅時候又full喇 今個星期六開始,HAYDEN冇學返喇...要過多個星期先開始上weekday嘅playgroup~ 朝早起身唔駛上堂有啲唔知做乜好,所以HAYDEN一家走去食早餐,HAYDEN媽要飲週末奶茶,順便去買日用品... 出完早場上婆婆屋企...諗住食埋粥仔比HAYDEN napnap...
點知佢鬼咁精神...
呢個小朋友最鍾意執跌咗落傢俬底嘅嘢,唔好講笑,佢好多時都執到,屋企如果有嘢跌咗落櫃底呀,床底呀...etc...可以call HAYDEN
自從HAYDE學會行之後都好少爬喇...原本覺得HAYDEN個樣一啲都唔BB喇,點知佢做爬嘅姿勢時個BB樣又返番嚟...懷念呢
最後HAYDEN都係冇nap過我哋就去開party喇
生日"爬地" ,唔係小朋友喎...係慶祝兩個爸爸都係9月生日,一個係CHRIS,一個係HAYDEN爸
P.S. 為咗滿足HAYDEN媽食多次魔鬼蛋糕,月底HAYDEN爸生日都係要魔鬼捨棄COVA了...hahaaaa
happy birthday~~~下年HAYDEN應該識唱birthday song啩
一吹 吹到尾
eee...有冇留意,一向唔太like食嘢嘅CYRUS竟然好enjoy咁食緊粥仔,孭住佢嗰個係屋主CHRIS個印印姐姐來架喎...佢真係好鍾意小朋友,記得上次來佢都有餵HAYDEN食baby food,今次CYRUS食完佢都問要唔要餵埋HAYDEN
轉個頭,原來CYRUS爸媽走咗去餵HAYDEN飲屋主叫姐姐為我哋煲嘅冬瓜湯
kaka...咁HAYDEN爸媽去咗邊? HAYDEN爸係朋友當中嘅PART TIME電腦人,上到來當然要睇睇有冇須要安裝同維修 HAYDEN媽呢...就去咗扮兩女之母...
最後來個大合照...
有冇留意未結婚/冇小朋友嘅couple影相嘅pose係同有小朋友嘅family好大分別,媽媽緊係要仔/女唔要公啦~ 紅衫契爺快啲結婚咁我哋可以派少封利士比大人喇~帶埋新相識女友來我哋仲要比多封忝呀 去完緊係未散band啦...星期六又係去ATM伉儷(灰衫couple)嘅clubhouse打badminton嘛...今日我哋大小朋友都一齊去呀... 本來今晚爸爸們incl.契爺都想去ATM屋企噤錢(打麻雀),但最後cancel咗,契爺今時唔同往日,permit唔批冇得打..kakaaaa...契爺依家應該好明白當年嘅爸爸們點解permit唔批就唔打得啦... 唔噤錢我哋就去食dinner...HAYDEN由今朝8點起身到dinner time都係瞓得係車嗰20min...佢已經攰到"典來典去"~好不容易食飽飽咁今日就到此完畢 8月最後嘅週末(好似好耐未upload過HAYDEN嘅相 8月30日 (六) 上9點playgroup, HAYDEN媽多數會8點叫HAYDEN起身... 今日,佢連眼都唔想擘大咁飲奶奶...唔知第時返上晝班嘅話會唔會都係咁呢
兩小時嘅playgroup最後嗰個session, 係indoor playground度玩... HAYDEN隻眼先叫做睜得大啲
同同學仔玩下咁又消咗一個上午
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ 8月30日 (日) 早上起來呆呆地~
攞住thomas車車開始冇咁呆
攪乜鬼咁留心?
原來睇書仔...好嘅開始
本性難改...平靜咗一陣,上滿energy之後就擒高擒低
難度呢個玩具枱要用兩手一腳去玩
大冬瓜
~openrice喇~
"未見過唔梳頭嘅人食飯咩?!"
"電視撈飯,正" (PG家長指引,HAYDEN媽驚教壞其他小朋友
寫意人生---托頭撬腳食飯
this week shopping items for HAYDEN: (CHICKEEDUCK-大減價揀唔到5件冇3折呀)
(COTTON CANDY KIDS-想買幾件衫比快回港嘅AUNTY FIC兩個仔女,順便買條褲仔比HAYDEN)
我要回鄉去~coming half year HAYDEN 要回鄉 X 2 12月, 嫲嫲出咗MEMO, 話要去東莞飲HAYDEN爸阿婆嘅壽宴... 咁...即係要預備回鄉卡啦~ 有冇人知道係咪要有特區護照先可以申請回鄉卡??? 本身,HAYDEN媽唔想晒錢去攞特區護照,因為HAYDEN出世一個月HAYDEN媽已經同佢申請咗奇異國(Kiwiland?)passport,但係,如果要去大陸嘅話,就可能要申請埋特區喇...真係留來做紀念嗎?! 因為,楂住Kiwiland嘅passport去好多地方都唔駛攞visa,e.g. 美國.台灣...除咗去埃及要申請visa(用特區反而唔駛)之外, 去旅行用Kiwiland嘅passport好似方便啲~ HAYDEN至今未離過境架 (本來5月嘅SINGAPORE之旅又CANCEL咗)... 所以HAYDEN媽都有啲緊張... 好彩...回鄉都係即日來回兼坐爺爺架車從HAYDEN家門到目的地~
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
另外, 一直都想帶HAYDEN兩歲前到奇異國一次(兩歲前同兩歲後嘅機票錢差好遠,尤其係長途機 本來諗住來年請假連EASTER + 清明假期,又HAYDEN四月廿三日2歲生日前可以去到11日嘅旅程 但係四月係奇異國嘅秋季,夜晚可能會涼一點,而且白天時間短咗
仲有外國人嘅EASTER可能有啲地方唔開,當地住宿費又可能高啲...
再者,HAYDEN爸嘅公司係超級少個人ANNUAL LEAVE,要佢請4日假去旅行我真係驚HAYDEN INTERVIEW同NURSERY開學佢都去唔到...
所以...諗諗下,HAYDEN爸原來農曆新年有1個星期嘅假,咁佢請兩日ANNUAL, 都可以去到11日喎,雖然HAYDEN媽都係放得紅日,但係要燒5日ANNUAL,唔係大問題...
2月去的話,係夏季...
日長夜短 (分分鐘8點DINNER TIME都未完全天黑)
咁吸引,前幾日日就打去落咗位先...KAKAA...年廿七去到初八返...IDEAL 呢... 但係,回程要WAITLIST呀!!!
等下囉...唔得咪EASTER先去囉 今次,暫定公公婆婆舅父HAYDEN一家三口回鄉
雖然唔知EASTER定農曆年去,不過係咪都係咁做下RESEARCH睇下帶HAYDEN去啲咩嘢地方好~ 會預兩三日去OUT TOWN玩,帶埋部大機去影相 IS A MUST!!!
唔知可唔可以帶埋HAYDEN去溫泉呢~
要帶HAYDEN去睇魚魚 睇 KIWIBIRD
又要睇SHEEP SHOW...唔知佢敢唔敢touch啲羊羊呢~
跟住又要坐架車車睇FARM TOUR
HAYDEN爸要玩呢個喎...唔知佢買咗保險寫咗我個名未呢~KAKAAAA...
好啦...day dreaming 住咁多先啦 (*以上圖片captured from www.newzealand.com) |
& PSP 伺候
流感...但前面個小朋友就比醫生叫咗去驗呀,好彩個個要戴mask唶~
),做校監嘅婆婆仲一齊來觀課...lucky HAYDEN冇打校監個孫,冇整花佢塊面,如果唔係實冇書讀兼要用幾代嘅辛苦錢先賠得起醫藥費呀
)
, 相比之前喺Z KINDERGARTEN嘅經驗...真係...冇得頂!!!
)
NO GOOD, HAYDEN...冇兄弟姐妹嘅小朋友真係難啲去學sharing...要努力啲教先得~
,佢哋嘅媽媽同HAYDEN媽同年架,HAYDEN媽生得出架~KAKAAAA
|
|
